Flugstöðin á Logan flugvellinum í Boston hefur verið notuð sem bráðabirgðaskýli fyrir ólöglega innflytjendur í marga mánuði núna og fjöldinn hefur vaxið að því marki, að flugstöðin lítur út eins og flóttamannabúðir. Þetta er bæði heilsufarsleg áhætta sem og öryggisáhætta, að ekki sé minnst á þau gríðarlegu óþægindi sem flugfarþegar verða fyrir sem ferðast til og frá Boston.
Maura Healy, demókratískur ríkisstjóri er úti á túni. Hún hefur greinilega ekki hugmynd um hvernig á að takast á við vandann og getur heldur ekki sagt neitt neikvætt því slíkt er bannað af flokksmönnum hennar.
The New York Post greinir frá því, að flugstöðin sé orðin skjólstaður á annað hundrað farandmanna og fjölskyldur bætast við á öllum tímum sólarhringsins. Fjölskyldur hafa búið um sig í farangursgeymslu umkringdar ferðatöskum og nota teppi sem bráðabirgðadýnur á gólfi flugstöðvarinnar eins og sjá má á myndskeiðum hér að neðan og á myndum The New York Post. Fulltrúi frá flugyfirvöldum Massachusetts segir:
„Við munum halda áfram að sjá farandfólk á flugvellinum. Þeir koma til Logan á ýmsan hátt. Þeir koma líka til Logan á öllum tímum.“
Farandfólkið er flutt daglega frá flugvellinum yfir í móttökustöðvar ríkisins og flutt til baka á nóttinni. Er það gert vegna skorts á starfsfólki og/eða fjármagni til að taka á móti innflytjendunum.
Sjá má á myndskeiðum hér að neðan, hvílíkt öngþveiti galopin landamæri eru farin að skapa í Bandaríkjunum.
