Justin Trudeau fyrirhugar að „víkka út lög landsins um aðstoð við sjálfsvíg, þannig að þau nái einnig yfir ungbörn.“ Verði lögin að veruleika munu þau gera læknum kleift að aflífa ungabörn í hagnaðarskyni. Kanadíski læknirinn Louis Roy er leiðandi fyrir þessa þróun.
Roy hvetur frjálslynda ríkisstjórn Kanada til að bæta við lög um „læknisfræðilega dauðahjálp“ Medical Assistance in Dying (MAiD), þannig að þau nái einnig yfir ungabörn svo læknar geti notað líknardráp til að binda enda á líf ungbarna.
Ungabarn hefur ekki vitund til að „fremja sjálfsmorð“
Hunter Fielding skrifar um málið í NewsAddicts og segir gagnrýnendur vara við því, að ungbörn séu ófær um að taka ákvarðanir um líf og dauða. Því sé ekki hægt að „veita dánaraðstoð“ eins og sagt er í lögum um læknisfræðilega dauðahjálp MAiD. Í staðinn yrði um barnamorð að ræða á vegum ríkisins sem myndi aðstoða lækna dauðans til að græða á líffærasölu smábarna.
Ungbarn er sér ekki meðvitað til að geta „framið sjálfsmorð.“ Ungbörn vilja lifa, borða og vera hjá foreldrum sínum. Kanadíska ríkisstjórnin vill engu að síður framlengja „læknisaðstoð við að deyja“ til ungbarna samkvæmt ráðleggingum læknaháskólans í Quebec.
Vill aflífa vansköpuð börn
Dr. Louis Roy, frá læknaháskólanum í Quebec „Quebec College of Physicians“ sagði sameiginlegu nefndinni um dauðaaðstoð lækna („MAiD“) þann 7. október 2022, að stofnun hans telji að MAID geti verið viðeigandi fyrir ungabörn upp að eins árs aldri sem fæðast „alvarlega vansköpuð.“ Sjá myndskeið hér að neðan:
Læknisaðstoð við að deyja felur í sér að sá sem vill deyja fær læknisaðstoð til að deyja á félagslegan viðurkenndan og þægilegan hátt. Ungbörn undir eins árs aldri geta ómögulega kosið að deyja eða óskað eftir læknisaðstoð til að binda endi á lífið. Í stað „aðstoðar við að deyja“ verða ungbörn því aflífuð til þæginda fyrir þá foreldra og lækna sem vilja ekki lengur takast á við erfið börn.
Canada’s National Post greinir frá málinu hér
Að fæðast og deyja eru „áhrifamikil tímamót“
Óljóst er hvernig forsjármálum verður háttað og hvort „samþykki beggja foreldra“ yrði virt að vettugi, ef um ógifta foreldra væri að ræða. Læknaháskólinn í Quebec telur að fullorðnir geti ákveðið, hvaða ungabörn eigi að aflífa. Til öryggis verður krafist samþykkis læknis við ákvörðun um að aflífa ungbörn. Gagnrýnendur telja ekki að það muni vernda ungabörn fyrir vanhugsuðum ákvörðunum um líknardráp.
Bent er á doktor Green, sem hyllir lögin um dauðaaðstoð, MAiD og talar fyrir líknardrápum. Doktor Green hefur þegar aflífað yfir 300 manns og hún elskar starfið sitt! Hún er hér á myndinni, með ungbarn sem ekki lítur út fyrir að vera hamingjusamt:
Þegar doktor Green hætti að vera fæðingarlæknir sem tók á móti nýfæddum í heiminn og gerðist læknir sem endaði líf fólks í staðinn, þá sagði hún:
„Eitt er koma lífsins. Hitt er brottför lífsins. Svipaðir atburðir, því í báðum tilvikum er um ótrúlega innileg augnablik að ræða. Þetta eru tímamót í lífi einstaklingsins. Áhrifamikil sem slík.“
Kanada heimsleiðandi í sölu líffæra vegna líknardrápa
Líknardráp eru ekkert sérlega vel launuð störf og oft framkvæmd af áhugasömum læknum eins og doktor Green. Hins vegar blómstra viðskipti með líffæri og ígræðslu líffæra og veita viðkomandi fyrirtækjum, sjúkrahúsum og læknum mikinn ágóða. Spurning vaknar því, hvort það sé ekki siðferðilegt vandamál að taka líffæri úr ungabarni sem getur ekki hreyft við andmælum.
Þreyttir foreldrar sjúks barns, örmagna eftir svefnlausar nætur og háan sjúkrakostnað, gætu samþykkt líknardráp eftir heimsókn til læknis eins og Stefanie Green. Foreldrarnir gætu í upphafi fundið til léttis, eftir að barnið fær læknaaðstoð við að deyja. Spítalinn sem framkvæmdi líknardrápið myndi hagnast á sölu líffæranna. En hætt er við, að foreldrarnir gætu samt fengið margar svefnlausar nætur og þurft að berjast við martraðir fyrir að hafa samþykkt aflífun barnsins síns.
