Ekki hægt að treysta Vesturlöndum – eru samviskulausir lygarar

Utanríkisráðherra Rússlands Sergey Lavrov. (Mynd © State Department photo by Ron Przysucha/ Public Domain).

Vestrænir leiðtogar reyna í leyni að eiga viðræður við Rússa um Úkraínu. Þetta sagði Sergey Lavrov, utanríkisráðherra Rússlands, á blaðamannafundi í síðustu viku. Hins vegar er ekki hægt að treysta Vesturlöndum, leggur hann áherslu á. Að sögn ráðherrans hefur valdaelíta vestrænu heimsins enn það markmið að leggja Rússland undir sig.

Sergey Lavrov, utanríkisráðherra Rússlands, heldur því fram, að vesturveldin reyni að fá leynilegar viðræður við Rússa um Úkraínu.

All í mikilli leynd

Lavrov segir:

„Þegar kemur að því að reyna að koma samtölum af stað, þá breytast þau hraðar en veðrið. Þeir skammast sín ekkert fyrir að ljúga. Þegar þeir halda því fram, að þeir muni ekki ræða neitt um Úkraínu án Úkraínu, þá eru þeir algjörir hræsnarar. Þetta er mjög ólíkt raunveruleikanum.“

Snúa sér ekki beint til Moskvu

„Ég vil ekki nefna nein nöfn og hef ekki rétt til þess. En nokkrir háttsettir leiðtogar í vestrænum löndum hafa gert þetta. Einn þeirra sendi merki eftir að minnsta kosti þremur mismunandi leiðum, þar sem óskað var eftir fundi til að ræða, hvað væri hægt að gera varðandi Úkraínu og öryggið í Evrópu. Þetta gerðist þrisvar sinnum, þrátt fyrir að þessi leiðtogi hefði getað snúið sér beint til Moskvu. Þannig brellur höfum við séð á síðasta hálfu ári.“

Þolinmæði Rússa á þrotum

Að sögn Rússa hefur samningaviðræðum um Úkraínu aldrei verið hafnað. Í öðru viðtali lýsir Lavrov hins vegar yfir miklu vantrausti á Vesturlönd. Hann heldur því fram í Channel One, að Vesturlönd hafi enn sama markmið og áður: Að mylja Rússland. Vesturlönd hafa í raun engin heiðarleg áform um að leggja niður vopnin:

„Vesturlönd hafa enn þetta markmið. Í mörg ár trúðum við, við treystum, við vorum grandvaralaus. Oftar en einu sinni hefur það sannast fyrir okkur, að Vesturlöndum er ekki treystandi. En í hvert skipti, samkvæmt hefðum fólksins okkar, vonuðum við alltaf það besta. Við fyrirgáfum suma hluti, við gleymdum öðrum, við ákváðum að gera ekki veður af fleiri en núna held ég að búið sé að fylla mælinn.“