Katarina Janouch lætur sér ekki allt fyrir brjósti brenna. Hún er leiðandi skörungur í baráttunni gegn vók-femínismanum og rétttrúnaðarsinnum. Berst eindregið gegn ofsóknum glóbalismans og menningarbyltingu á Vesturlöndum. Hún er rithöfundur, blaðakona og virk í stjórnmálaumræðunni m.a. hjá Swebbtv, þar sem hún er með þátt og tekur á móti símtölum hlustenda. Hún skrifaði nýlega eftirfarandi grein sem hún beinir til vókaðra femínista í Svíþjóð eins og formanni jafnaðarmanna, Madalenu Andersson. Þótt umræðan tilheyri Svíþjóð, þá á hún einnig erindi til Íslendinga en margir vókaðir éta einmitt hugsunarlaust upp þá vitleysu sem kemur m.a. frá sænskum krötum.
Katarina Janouch skrifar:
Það er til sérstakur staður í helvíti fyrir konur sem halda að nauðgun sé góðgerðarstarfsemi
„Það er sérstakur staður í helvíti fyrir konur sem hjálpa ekki hver annarri,“ sagði fyrsti kvenkyns utanríkisráðherra Bandaríkjanna, Madeleine Albright, í ræðu í ABF-húsinu í Stokkhólmi árið 2004. Orðin hafa síðan flogið víða. Albright hefði þó varla getað látið sig dreyma um, að tuttugu árum síðar í sömu Svíþjóð myndu frægar og að eigin sögn vel gefnar konur, ekki aðeins hætta að hjálpa öðrum konum, heldur einnig kalla kvalara og nauðgara „velgjörðarmenn.“ Eða borga hundruð þúsunda króna í „skaðabætur“ til nauðgara. Sem þykjast vinna gegn heiðurskúgun samtímis og þær vinna að innleiðingu hennar. Halló – þið sænsku þykjustufemínistar, þið vekið hjá mér ógleði langt út yfir allt almennilegt og mannlegt. Hvernig í fjáranum líður ykkur Kajsa Ekis Ekman, JK Mari Heidenborg og hræsnararnir tveir Magdalena Andersson og Annika Strandhäll sem dirfist að sýna ykkur á minningarhátíð Fadime eing og það skipti ykkur einhverju máli raunverulega, að ungar stúlkur eru myrtar þegar þær verða ástfangnar af vitlausum drengjum, eru misnotaðir af barnaníðingum og tilneyddar til bera blæju?
Verandi kona þá skammast ég mín innilega fyrir hönd þessara einstaklinga. Þær kalla sig femínista og virðast halda að þær séu að gera eitthvað gagnlegt fyrir kvenkynið. Í raun og veru eru þær þó hópur alvöru kvislinga. Falskar, bleyður. Siðlausar. Ég get ekki einu sinni ímyndað mér, að verstu stríðsglæpamennirnir hegði sér á sama lævísa og ósannan hátt.
Íslamistar líta á leggöngubera sem minna virði en asna
Verst er líklega Kajsa Ekis Ekmans, með ofbeldisrómantíkinni í hlaðvarpinu „Síðasta kvöldmáltíðin“ en hún þyrfti stærri skammarkrók en tólf manna tjald, þegar hún líkir hryðjuverkasöfnuðinum Hamas við „góðgerðasamtök“ (og ber saman við sósíaldemókrata, sem er hugsanlega mögulegt á fræðilegu plani í ljósi þess, að jafnaðarmenn hafa unnið hörðum höndum að skapa kalífadæmi í Svíþjóð). Að kommúnistar og sósíalistar hafa alltaf verið bandamenn íslamista og annarra öfgahugmynda er ekkert nýtt, en ég velti því samt fyrir mér, hvernig smámunalega ljóskan Ekman samrýmir grófustu niðurlægingu feðraveldisins á konum „vitsmunalegum“ hugsjónum sínum? Heldur Ekis, að henni sjálfri yrði sýnd virðing af mönnum sem líta á leggöngubera sem minna virði en asna og finnst sjálfsagt að eðla sig við blæjulausar slíkar, vegna þess að þær eru bara hórur hvort sem er? Hefur Ekis ekki frétt af þeim kynferðislegu pyntingum sem hafa hneykslað allan heiminn og ásækir hvern heilvita mann eins og ólýsanleg martröð sem ómögulegt er að vakna úr? Heldur Ekis að „jafnrétti“ gildi ekki líka fyrir gyðingastúlkur og -konur, bara af því að þær eru – gyðingar? Hvað er það kallað að mismuna fólki á slíkum þjóðernisgrundvelli? Það er til sérstakur staður í helvíti fyrir fólk eins og Ekis Ekman.
Peningum skattgreiðenda stráð yfir íslamska afbrotamenn en fórnarlömbin látin sitja á hakanum
Það er líka til sérstakur staður í helvíti fyrir réttarfarseftirlistmanninn Mari Heidenborg sem kastaði 840.000 sænskum krónum í fangið á dæmdum sýrlenskum kvalanauðgara, þrátt fyrir að hún hefði getað haft upphæðina lægri. Heidenborg virðist hafa erlenda glæpamenn á heilanum, hún hefur um nokkurra ára skeið séð til þess að verðlauna þá með sannkölluðu milljónaregni af peningum skattgreiðenda. Ekkert hár á höfði neins glæpamanns er svo lítið að ekki sé hægt að beygja það svo að Heidenborg flýti sér ekki þangað og láti viðkomandi fá meira fé en meðalsvíinn vinnur fyrir sér á mörgum árum! Heidenborg umbunar fórnarlömbum þessara skrímsla af þeim mun meiri sparnaði. Sérstaklega þeim konum sem hefur verið nauðgað og líf þeirra lagt í rúst með villimannslegu ofbeldi. Að Heidenborg sitji áfram þrátt fyrir stjórnarskipti er ráðgáta. Ég vona að hún verði fljótlega rekin og neyðist til að axla ábyrgð á hinum svívirðilegum skaðabótaorgíum sínum til þessarra skrímsla.
Ekki eitt orð um að íslamistar nota nauðgun sem vopn í stríði
Það verður troðfullt í helvíti, verið viss. Tvær aðrar sem meira en passa þarna inn eru lygararnir Magdalena Andersson og Annika Strandhäll sem báðar þykjast standa vörð um kvenréttindi og velferð kvenna. En hefur einhver heyrt Anniku Strandhäll fordæma opinberlega kynferðislega misnotkun Hamas á ísraelskum konum 7. október 2023 og misnotkun á ungum stúlkum sem enn eru í gíslingu hryðjuverkasamtakanna Hamas í göngunum undir Gaza? Miðað við hversu miklum tíma Strandhäll eyðir á ýmsum samfélagsmiðlum, þá getur hún varla kennt tímaskorti um að hafa ekki að minnsta kosti skrifað eina litla færslu á örblogginu X, um hversu hræðilegt það sé að íslamistar nota nauðgun sem vopn í stríði …
Sharíalög stjórna lífi kvenna í ýmsum úthverfum í Svíþjóð
En nei. Hún er þögul eins og gröfin. Strandhäll ver í staðinn sósíaldemókratíska stjórnmálamanninn og sterka manninn í Malmö, Jamal El-Haj, sem telur að stúlkur ættu að bera blæju frá unga aldri til að vera agaðar í höndum Allah. Strandhäll er formaður kvenfélags jafnaðarmanna og finnst gaman að sýna sig á minningarathöfn um Fadime þykjast vera á móti heiðursofbeldi. En hún nefnir aldrei, að það er kærulaus innflytjendastefna hennar eigin flokks sem bregst innflytjendastúlkum og konum, sem búa ekki við jafnrétti í Svíþjóð vegna þess að jafnaðarmenn hafa leift Sharia gettóum að vaxa. Þar gilda hvorki sænsk lög né jafnrétti lengur heldur er það feðraveldi með rætur í Miðausturlöndum og ættbálkamenning sem stjórnar lífi kvennanna. Sama gildir fyrir El-Haj blaðafulltrúa Magdalenu Andersson… sem verndar íslamista og þykist aðeins á yfirborðinu standa vörð um konur og réttindi þeirra samtímis sem hún ræðst ítrekað á þann eina stjórnmálaflokk sem tekur baráttuna gegn íslamavæðingu Svíþjóðar alvarlega,– nefnilega Svíþjóðardemókrata….
Með slíka vini vantar konum enga óvini
Þessar fjórar standa við hlið sjálfs Satans. í fylgd þeirra eru Märta Stenevi, Annie Lööf og meirihluti rétttrúnaðar femínista mafíunnar í Svíþjóð, sem kvarta hver við aðra í ýmsum vinstrihópum með flaðurlátum og þykjast verja konur og börn. Þær berja sér á brjóst eins og þær væru í alvörunni að vinna að réttindum og frelsi kvenna. Þið eigið heima í helvíti með lygar ykkar. Með ykkur sem vini skortir konur enga óvini.
KATERINA JANOUCH
þáttastjórnandi og dálkahöfundur Swebbtv, rithöfundur og blaðakona
