Það verður ný heimsstyrjöld. Nema að Donald Trump verði endurkjörinn forseti Bandaríkjanna. Því miður er útlitið það dökkt eftir að vopnaframleiðendur og glóbalistarnir með sjúkan, elliæran forseta í Hvíta húsinu hafa æst upp Vesturlönd í stríð við Rússland og í framhaldinu einnig Kína. Trump ræddi yfirvofandi hættu á þriðju heimsstyrjöldinni á kosningafundi í New Hampshire nýlega.
Donald Trump vann nýlega prófkjörið í New Hampshire, þar sem hann sigraði Nikki Haley. Ekkert getur komið í veg fyrir kjör hans sem forsetaefni repúblikanaflokksins.
Lendum í þriðju heimsstyrjöldinni eins og útlitið er núna
Að sögn Trumps er það ekki aðeins Bandaríkin sem eru í húfi í forsetakosningunum í Bandaríkjunum heldur allur heimurinn eftir þá óreiðu sem hefur bókstaflega sprungið út undir forsetatíð Joe Biden. Trump segir, að heimurinn sé á leiðinni í þriðju heimsstyrjöldina:
„Ég er eini frambjóðandinn sem getur gefið eftirfarandi loforð: Ég mun koma í veg fyrir þriðju heimsstyrjöldina. Ég mun koma í veg fyrir hana. Vegna þess að við munum lenda í þriðju heimsstyrjöldinni. Eins og hlutirnir ganga fyrir sig núna, þá lendum við í þriðju heimsstyrjöldinni.“
Munu reyna að svindla í kosningunum
Trump benti á, að í forsetatíð sinni voru engin stríð og þjóðarleiðtogar heims hafi virt hann. Ef hann hefði verið áfram forseti, þá hefði hvorki orðið stríð í Úkraínu né á Gaza:
„Það er fullkomlega satt. Við áttum engin slík vandamál. En sjáið núna. Allt er að sjóða upp úr. Við erum með veikan forseta, sem gerir ekkert annað en að svindla. Það er það eina sem þeir kunna þessir menn. Þeir svindla í kosningum meira en nokkur annar, kannski eins og í sumum löndum þriðja heimsins. En við munum ekk láta það viðgangast, að hann svindli árið 2024. Allir hafa augun opin. Það verður mjög erfitt. Þeir munu reyna það, því það er eðlislæg hvöt þeirra.“
Heyra má boðskap Trumps á myndskeiðinu hér að neðan:
