Það er enginn hörgull á umræðuefni varðandi heimsmálin eins og kom fram í sjöunda þætti Heimsmálanna hjá Margréti Friðriksdóttur, frettin.is og Gústafi Skúlasyni, gustafadolf.com sem var hljóðritaður 26. janúar. Aðalmálin að þessu sinni, því miður – er faxandi fasismi glóbalismans og hin aukna harka í stjórnmálunum í Evrópu t.d. þegar fv. yfirmaður Donald Tusk fær vald í Póllandi og byrjar að fangelsa fyrrverandi ráðherra og stjórnarandstæðinga. Hinir gríðarlegu fólksinnflutningar til Evrópu sem Ísland hefur ekki farið varhluta af var til umræðu sem og ástandið í Bandaríkjunum að ónefndri loftslagsgeðveikinni.
Umræðan byrjaði á nýrri frétt um tilskipun aðalritara Alþjóðaheilbrigðismálastofnunarinnar WHO, Tedros Ghebreyesus. Hann segir mikilvægasta verkefnið í heilsufarsmálefnum jarðarbúa vera herferð gegn „falsfréttum, lygum og samsæriskenningum“ sem uppljóstra um fyrirætlun glóbalista að hrifsa til sín fullveldisvöld frá ríkjum heims með „Heimsfaraldurssáttmála“ og breytingu á alþjóða heilbrigðisreglum. Skipar Tedros ríkjum heims að ganga hressilega til verks og uppræta slíkt svo ekkert eyðileggi „mikilvægasta mál samtíðarinnar.“ Hafði Tedros áhyggjur af því, allt þetta vonda fólk gæti komið í veg fyrir að valdarán WHO heppnaðist.
Klaus Schwab foringi glóbalismans segir lýðræðislegar kosningar óþarfar
Doktor Scott Alex sem fór til Davos lét hins vegar glóbalistana heyra það, sérstaklega WHO og segir að það sé Alþjóðaheilbrigðismálastofnunin sjálf sem dreifir lygum og falskenningum. Hann er fv. ráðgjafi Hvíta hússins og upplýsti um ráð sitt til næstu ríkisstjórnar Bandaríkjanna: „Fara yfir og skrá allar tillögur WEF frá upphafi og setja síðan saman aðgerðaráætlun til að útrýma þeim öllum!“
Hins vegar var það eins og venjulega Klaus Schwab foringi glóbalismans sem sópaði öllum efasemdum undir teppið með yfirlýsingu sinni um að lýðræðislegar kosningar væru í raun óþarfar:
„Gervigreindin ……lætur okkur fá niðurstöður hugsanlegra kosninga fyrir fram, þannig að kosningar verða óþarfar í framtíðinni.“
Ýmislegt annað bar á góma eins og kosningaslagurinn í Bandaríkjunum en Alex Soros auglýsti nýlega að hann ætlar ekkert að verða eftirbátur föðurins, því hann sendi frá sér mynd með byssukúlugati í rúðu og dollaraseðla og skrifaði: „Kúlugat, 47″ með vísun til að næsti forseti er númer 47 í Bandaríkjunum.
Ekki var hjá því komist að ræða ástandið á Íslandi með ógnvekjandi atburði í Fjölbrautaskólanum í Breiðholti, en þar var hurðum skólastofa lokað og nemendum sagt að leggjast á gólfið vegna hugsanlegrar skotárásar. Er það afar ill þróun hins litla samfélags sem kennir sig við Ísland.
Smelltu á spilarann hér að neðan til að hlusta á þáttinn.
