Hvernig stendur á því, að Bandaríkin hafa næstum þúsund herstöðvar um allan heim?! Hvernig passar hin opinbera frásögn um að Bandaríkin og Nató sem sögð er á Vesturlöndum við raunveruleikann? Herafli Bandaríkjanna er ekki fyrir varnir þeirra, heldur verkfæri í höndum ólígarka og glóbalista. Það segir Lars Bern í fréttagreiningu í þætti Swebbtv (sjá að neðan). Svíþjóð er á leiðinni í þessa stríðsvél undir því yfirskini að það þurfi að „verja Svíþjóð.“ En í rauninni snýst málið allt um að kollvarpa Rússlandi – hvað svo sem það kostar.
Bandaríkin og Nató hefja stríð eða koma slíku í kring til að leggja undir sig land eftir land. Það er einmitt það sem er að gerast í heiminum. Tilgangurinn er meðal annars að ná yfirráðum yfir náttúruauðlindum. Athafnamaðurinn Lars Bern segir í Swebbtv:
„Herafli Bandaríkjanna og Nató eru verkfæri glóbalista.“
900 herstöðvar í 170 löndum
Raunveruleikinn er langt frá því markmiði bandaríska hersins að verja Bandaríkin sem eru á tryggum stað á milli Kyrrahafs og Atlantshafs. Í staðinn er verið að verja aðra hagsmuni. Lars Bern segir:
„Herafli Bandaríkjanna er ekki til að verja Bandaríkin. Það verðum við að leggja á minnið. Þessi gríðarlegi hernaðarmáttur hefur verið skapaður til að halda uppi styrjöldum fyrir ólígarkana, fyrir efnahagselítuna.“
„Við skulum hafa í huga, að Bandaríkjaher hefur 900 herstöðvar í 170 löndum. Það þarf ekki til að verja Bandaríkin. Heldur til að ná yfirráðum yfir öllum löndum heimsins, öllum svæðum jarðar, öllum náttúruauðlindum.“
Rússland á þriðjung af mikilvægum auðlindum heims
Þess vegna hamast þeir á Rússlandi sem þeir ráða ekki lengur yfir.
„Það á að innlima Rússland í þetta kerfi, hvað sem það kostar. Það er algjörlega markmið ólígarkanna. Vegna þess að Rússar eiga um þriðjung af mikilvægum auðlindum heims. Talið er að Rússar búi yfir meiri olíubirgðum en Miðausturlönd.“
Glóbalistarnir eru að tapa stríðinu – aukin hætta á að allt fari úr böndunum
En Rússland hefur „þjóðlega sinnaða stjórn og henni verður að steypa af stóli hvað sem það kostar.“ Lars Bern heldur áfram:
„Þetta er ástæðan fyrir því, að við vorum þvinguð inn í Nató, þannig að við erum hluti af stríðsvél glóbalistanna. Þessu verður ekki hætt fyrr en búið er að kollvarpa Rússlandi. Þess vegna hafa þeir hafið þetta stríð gegn Rússum. Stríðið í Úkraínu er staðgengilsstríð, þar sem ólígarkarnir eru í stríði gegn Rússum með hjálp úkraínsku þjóðarinnar. Því stríði eru þeir núna við það að tapa. Glóbalistarnir eru því í meira lagi orðnir örvæntingarfullir. Hættan er sú, að þetta fari algjörlega úr böndunum.“
Rússar vilja bara hafa örugg landamæri
Að Rússar vilji hernema Evrópu er hreint bull. Hér eru engar mikilvægar auðlindir. Lars Bern segir:
„Rússarnir vilja bara hafa örugg landamæri.“
Svíþjóð hefur lent í faðmi glóbalismans – allt snýst um að kollvarpa Rússlandi. Sjá myndskeið með umræðunni hér að neðan:
