Íslendingar vilja gjarnan vera heimsmeistarar miðað við höfðatölu í nánast hverju sem er. Það ýtir undir sjálfsöryggið í samskiptum við erlenda að geta sýnt fram á jákvæðar tölur í samanburði við aðra. En allt er ekki gull sem glóir. Eða?
Í nýjum þætti „Rupin Report“ fjallar Dave Rubin meðal annars um neyslu þunglyndislyfja í Bandaríkjunum (sjá mínútu 40 í myndskeiði að neðan). Hann sýndi þá graf OECD frá 2016 sem sýndi, að Bandaríkjamenn voru heimsmeistarar í þeirri grein með Íslendinga þétt á hælunum. Sjá graf 1 að neðan:
Það er mun erfiðara að fá gögn um neyslu Bandaríkjanna á þunglyndislyfjum en Evrópulanda en heimsmeistaratitill Bandaríkjanna árið 2016 hneykslaði Dave Rubin.
Íslendingar hamingjusamastir í heimi
31.des 2003 mátti lesa eftirfarandi í Morgunblaðinu:
„ÍSLENDINGAR eru hamingjusamastir í heimi, samkvæmt Alþjóða hamingjuupplýsingabankanum ( The World Database of Happiness ), og sérfræðingur hjá sænsku hagstofunni segir, að út frá fólksfjöldafræðilegum viðmiðum sé best að búa á Íslandi af Norðurlöndunum.“
Annað hvort hefur Ísland farið frá því að vera hamingjusamasta fólk yfir í það þunglyndasta eða að þunglyndislyfin eigi þátt í því, að gera Íslendinga svona hamingjusama. Nema þá að þunglyndið sé hamingja landsmanna. Þá ættu þunglyndislyfin að vera óþörf. Þegar kíkt er nánar á þátt Íslands í þunglyndislyfjaneyslu er landið alls staða sigurvegari í greininni (Bandaríkin ekki talin með). Hér koma nokkur línurit því til staðfestingar:
2022: Ísland á toppnum
2021: Ísland á toppnum
2015 og 2021: Ísland á toppnum
2011 og 2020: Ísland á toppnum
2000 og 2017: Ísland á toppnum
2016, 2017 og 2018: Ísland á toppnum
2000 og 2013: Ísland á toppnum:
