Vörubílstjórar láta enn á ný í sér heyra. Vörubílstjórar afhjúpuðu hressilaga nokkrar af verstu Cocid-lokunum í heimi, þegar þeir lögðu vörubílum sínum í Ottowa til að mótmæla alræðisaðgerðum Justin Trudeau stjórnarinnar gegn landsmönnum í Kanada.
Vörubílstjórar í Bandaríkjunum sýndu samstöðu með kanadískum starfsbræðrum sínum og aðstoðuðu m.a. með því að hindra siglingar milli Bandaríkjanna og Kanada í Detroit, Michigan.
Vörubílstjórar styðja Trump
Gretchen Whitmer, demókratískur fylkisstjóri, sem orðaður var við varaforsetaembætti með Joe Biden, hótaði fljótlega að handtaka þá vörubílstjóra sem þorðu að loka sendiherrabrúnni. Donald Trump nýtur mikils fylgis meðal bandarískra flutningabílstjóra. Yfir 90% að sögn eins stuðningsmanna Trumps. Flutningabílstjórar segjast núna ætla að stöðva sendingar til New York borgar vegna fáheyrðs 350 milljóna dollara dóms gegn Trump fv. forseta og sonum hans Don Jr. og Eric.
Búnir að fá nóg af móðursjúkum vinstri mönnum
Bandarískur flutningabílstjóri (sjá X að neðan) hafði þetta að segja á myndbandi sem hann deildi á samfélagsmiðlum. Hann útskýrir hvers vegna flutningabílstjórar víðs vegar um Ameríku ætla að hætta að flytja vörur til New York borgar:
„Ég hef verið að tala við ökumenn síðustu klukkutíma og fimmtán mínútur í talstöðinni og ég hef talað við að minnsta kosti tíu ökumenn á hinni leiðinni. Ég er á leið niður eftir frá Suður Wisconsin. Þeir munu hætta að taka við farmi til New York borgar frá og með mánudeginum. Ég talaði við um þrjá bílstjóra sem ég vinn með sem sendu yfirmanninum sms og sögðu honum að þeir myndu ekki keyra til New York borgar. Ég veit ekki hversu útbreitt þetta er í landinu eða hversu margir vörubílstjórar hætta að keyra farma til New York….Við erum búnir að fá nóg af þessum móðursjúku vinstrimönnum sem eru að eyðileggja allt fyrir Donald Trump.“
