Ylva Johansson yfirmaður fólksinnflutninga til aðildarríkja ESB og Fabrice Leggeri fv. yfirmaður landamæragæslu ESB, Frontex.
Nýlega fullyrti Ylva Johansson, innanríkismálastjóri ESB, að sambandið þurfi að taka við einni milljón farandfólks til viðbóta við þær 3,5 milljónir sem koma árlega löglega til sambandsins. Annars muni Evrópubúar svelta. Núna greina franskir fjölmiðlar frá því, að sósíaldemókratinn hafi skipað fyrrverandi yfirmanni evrópsku landamæra- og strandgæslustofnunarinnar Frontex að taka á móti innflytjendum sem koma ólöglega til sambandsins.
Fyrrverandi yfirmaður Frontex, Fabrice Leggeri, heldur því fram að Ylva Johannsson, ESB-kommissjóner frá Svíþjóð, hafi sagt honum að taka með opnum örmum á móti ólöglegum innflytjendum.
Verður að hleypa ólöglegum innflytjendum inn því koma í svo miklum kærleika
Að sögn Leggeri kom Johanson með nýja tilskipun til Frontex árið 2019, skömmu eftir að hún hóf embætti sem innanríkismálastjóri sambandsins. Ylva Johanson sagði skv. Leggeri:
„Starf þitt er að taka á móti innflytjendum og bjóða þá velkomna, vegna þess að þeir koma með kærleika. Hvort sem þér líkar það eða ekki, þá erum við heimsálfa sem eldist svo þú verður að hleypa þeim inn.“
ESB afneitar yfirlýsingum Fabrice Leggeri
Talsmaður ESB segir Fabrice Leggeri fara með ósannindi. Ylva Johansson hefði aldrei sagt þessi orð:
„Yfirlýsingar Fabrice Leggeri um innflytjendastefnu ESB eru einfaldlega rangar.“
Fyrir Fabrice Leggeri var forgangsverkefni Frontex stofnunarinnar eins og lögtúlkun Evrópudómstólsins, að viðhalda ytri landamærum ESB. Það þýðir að stöðva ber ólöglega innflytjendur sem reyna að fara yfir landamæri Evrópu. Johansson krafðist fyrir sitt leyti að Frontex virti mannréttindi hælisleitenda.
Gekk með í Þjóðfylkingu Marine Le Pen
Fabrice Leggeri hætti sem yfirmaður Frontex árið 2022. Hann tók við starfinu árið 2015. Hann var meðal annars gagnrýndur fyrir að hafa verið of strangur við gæslu landamæranna.
Reynslan frá Frontex virðist hafa markað djúp spor. Leggeri hefur gengið til liðs við þjóðfylkingu Marine Le Pen og skipar 3.a sætið á listanum fyrir ESB-kosningarnar í sumar. Legeri skrifar á X:
„Í dag kýs ég að bjóða reynslu mína og sérfræðiþekkingu í þjónustu Frakka.“
Markmið þjóðfylkingarinnar er skýrt: Að ná aftur yfirráðum yfir landamærum ESB og Frakklands.
Hér að neðan má heyra Innanríkisstjóra ESB útskýra mikilvægi þess að auka fólksflutningana til aðildarríkja ESB:
LESA EINNIG: Ylva Johansson er með 270.000 í mánaðarlaun – prjónar á vinnutíma
