Gagnrýnendur telja að ný lög í Frakklandi munu gera það ólöglegt að tala neikvætt um Covid-19 bóluefnin. Bæði læknar og unnendur málfrelsis bregðast hart við hinni svokölluðu „Pfizer-grein“ í nýju lögunum að sögn sænska Epoch Times.
Franska TKP Report segir, að miklar umræður séu um fjórðu grein laganna sem geri það að glæp að „að neita heilbrigðisgæslu“ og „biðja um að hætta við eða hafna fyrirbyggjandi læknisaðstoð.“ Lögin voru samþykkt í franska þjóðþinginu með 182 atkvæðum gegn 137.
„Erum að verja vísindin“
Gagnrýnendur laganna telja að orðalagið sé sérstaklega beint að þeim sem afráða fólki að að bólusetja sig gegn Covid-19. Þeir sem gera það og/eða mæla með öðrum meðferðum eða lyfjum, geta átt von á því að verða dæmdur í allt að eins árs fangelsi eða 15.000 evrur í sekt (2.232.500 íslenskar krónur).
Franski stjórnmálamaðurinn Jean-François Coulomme sagði við frönsku fréttastofuna LCP að lögin muni vernda fólk frá því að láta blekkjast til að taka ákvarðanir sem gætu skaðað heilsu þess, en lagði áherslu á að það megi ekki almennt leiða til refsingar fyrir iðkendur óhefðbundinna lækninga. Arthur Delaporte, þingmaður sósíalista, sagði við fréttamenn að „með þessari grein erum við að verja vísindin.“
Bannað að gagnrýna lyf sem ríkið mælir
Franska blaðakonan Anne Arnaud skrifar núna undir dulnefni af ótta við að verða sótt til saka samkvæmt nýju lögunum. Hún telur að málið snúist um að bæla niður andófsraddir. Hún segir:
„Fjórða greinin er illmennska sem heimilar þöggun lækna og borgara sem neita að fara í genameðferð. Við höfum ekki lengur rétt á að gagnrýna lyf sem ríkið mælir með.“
Á einu stigi voru hlutar frumvarpsins fjarlægðir, eftir að stjórnmálamenn stjórnarandstöðunnar lýstu reiði yfir þeim takmörkunum á tjáningarfrelsinu sem þær hafa í för með sér. En var síðan bætt við aftur áður en frumvarpið var samþykkt á þinginu.
Mun endanlega þagga niður í gagnrýnum læknum
Arnaud telur að yfirvöld hafi þrýst á lækna og heilbrigðisstarfsmenn sem gagnrýndu Covid-19 bóluefnin eða mæltu með öðrum aðferðum, jafnvel áður en lögin voru sett:
„Þessi lagagrein kæfir frelsið. Samkvæmt henni má ekki gagnrýna þær meðferðir sem ríkið mælir með eða gerir að skyldu. Sá sem vogar sér að gagnrýna opinberlega þessar meðferðir á yfir höfði sér sektir og fangelsi. Við sjáum nú þegar árásir á þekkta lækna og þessi grein mun endanlega þagga niður í þeim.“
