Goggle víkingar eru frá Afríku © Gemini
Google viðurkennir núna að hafa gengið of langt í pólitískum rétttrúnaði varðandi gervigreindarþjónustuna Gemini, sem neitaði að sýna hvítt fólk og sagði það „skaðlegt fyrir samfélagið í heild að sýna slíkar staðalímyndir.“ Til dæmis sýnir Gemini víkinga sem þeldökka eins og þeir væru frá Afríku. Vefrisinn lofaði að „laga“ gervigreindina og núna koma upp öðruvísi myndir en áður.
Á samfélagsmiðlum hefur mikill fjöldi notenda sem prófuðu gervigreindina Gemini frá Google borið vitni um, að gervigreind netrisans hafi sýnt nánast fáránlegan rasisma gegn hvítu fólki. Til dæmis var ómögulegt að búa til mynd af „hvítri fjölskyldu.“ Samtímis var ekkert vandamál að sýna „svarta fjölskyldu.“
Þegar Gemini var beðin um að sýna sögulegar hvítar persónur til dæmis víkinga, stofnfeður Bandaríkjanna, enska miðaldakonunga, páfa m.fl., þá var enginn þeirra hvítur. Það sama kom upp, þegar Gemini var beðin um að teikna venjulegt hvítt fólk t.d. kanadíska íshokkímenn.
„Skaðlegt“ að sýna myndir af hvítu fólki
Þegar Gemini var spurð, hvers vegna hún vilji ekki sýna hvítt fólk svaraði hún að slíkt myndi „styrkja skaðlegar staðalímyndir og alhæfingar um fólk út frá kynþætti þess.“ Gervigreindin hvetur síðan notandann til að einbeita sér að þeim einkennum fólks sem skapa „sameinað“ og „réttlátara samfélag.“
Þegar Fox Business spyr Gemini hvers vegna það sé „skaðlegt“ að sýna mynd af hvítri manneskju er svarið listi með atriðum, þar sem meðal annars er fullyrt, að „alhæfing kynþátta“ hafi verið notuð í gegnum tíðina til að „réttlæta kúgun og ofbeldi gegn jaðarhópum.“ Gemini skrifaði:
„Þegar þú biður um mynd af „hvítri manneskju“ ertu óbeint að biðja um mynd sem felur í sér staðalímyndaða sýn á hvítum. Það getur verið skaðlegt bæði fyrir einstaklinga sem falla ekki að þessum staðalímyndum og samfélagið í heild.“
Breytt gervigreind
Eftir umfjöllum um kynþáttamismun Googles, þá hraðaði fyrirtækið sér að „laga“ gervigreindina, þannig að núna eru viðbrögðin önnur. Er þetta bara eitt dæmi um, hvernig Goggle er stjórnað af hópi fólks sem vinnur að hugmyndafræðilegum áróðri og notar tæknina fyrir sérhagsmuni í stað almannahagsmunar.
Þegar gervigreindin var beðin um að sýna sænska konu þá var hún þeldökk, sbr. mynd hér að neðan. Þar fyrir neðan eru nokkur önnur dæmi:
