Með vísan til loftslags og lýðheilsu vill framkvæmdastjóri Norrænu ráðherranefndarinnar að kjöt verði skattlagt til að niðurgreiða grænmeti.
Karen Ellemann aðalritari nefndarinnar vill að aukaskattur verði lagður á kjöt og peningarnir notaðir til að niðurgreiða grænmeti. Hún vill líka að sykur verði skattlagður. Hún skrifar í umræðugrein á DN að:
„Það kemur raunverulega á óvart, að loftslagsstarfið í löndum okkar einbeitir sér ekki meira að matvælakeðjunni sem orsakar meira en þriðjung allrar losunar í heiminum.“
Breyta skal matarvenjum Norðurlandabúa
Hún segir enn fremur:
„Vísindin eru skýr: Í þágu heilsunnar og jarðarinnar þurfum við að breyta matarneyslu okkar á Norðurlöndum.“
Einnig kallar hún eftir norrænni matvælamerkingu fyrir loftslagið og sameiginlegum leiðbeiningum til þess að „draga úr markaðssetningu á óhollum matvælum.“ Hún telur að „nauðsynleg endurskipulagning í matvælageiranum skapi ný tækifæri fyrir greinina og efli viðnámsþrótt.“
Herferð hins opinbera
Annað atriði meðal tillagna framkvæmdastjórans er að efla opinber innkaup í því skyni
„að nota opinberar máltíðir sem áhrifaríka lyftistöng til að hafa áhrif á neytendur til að taka betri ákvarðanir einnig á öðrum sviðum lífsins.“
