Í þættinum „The Joe Rogan Experience“ í fyrra haust gekk Elon Musk, forstjóri Tesla og eigandi samfélagsmiðilsins X/Twitter, harkalega gegn vinstri milljarðamæringnum George Soros. Musk sakaði Soros um að „hata mannkynið í grundvallaratriðum“ og „eyða samfélagsgerðinni“ með því að fjármagna héraðssaksóknara sem neita að fara gegn glæpum
Frumkvöðullinn Elon Musk átti viðamikið samtal um allt frá geimkönnun til gervigreindar framtíðarinnar. Ummæli Musk um George Soros fóru strax eins og eldur í sinu um samfélagsmiðla. Musk hóf samtalið á því að fjalla um pólitísk áhrif Soros og sagði:
„Ég meina Soros… ég tel að [hann] sé helsti stuðningsmaður Demókrataflokksins. Númer tvö er Sam Bankman-Fried.“
Soros átti erfitt uppeldi
Elon Musk lýsir Soros sem sem myrkri persónu sem vinnur að því að koma eyðileggja stöðugleika í bandarísku samfélagi og hjá öllu mannkyni. Musk sagði við Rogan um Soros:
„Hann átti mjög erfitt uppeldi. Að mínu mati hatar hann mannkynið í grundvallaratriðum. Það er skoðun mín.“
Musk bendir á hlutverk Soros í vali héraðssaksóknara sem „neita að vinna gegn glæpum.“ Sú stefna er skaðleg fyrir lög og reglu í borgum eins og San Francisco og Los Angeles:
„Hann er að gera hluti sem tæra siðmenninguna. Þú skilur, að fá saksóknara kjörna sem neita að lögsækja glæpi. Það er líklega vandamálið í San Francisco og LA og í mörgum öðrum borgum.“
Þarf ekki að breyta lögum ef hægt er að breyta því hvernig þeim er fram fylgt
Þegar Rogan spurði, hvort þessu andófi væri beint að mannkyni eða einvörðungu Bandaríkjunum, þá svaraði Musk:
„Hann er að rekast í málum einnig í öðrum löndum. George er orðinn frekar gamall … hann er svolítið elliær á þessum tímapunkti.“
Elon Musk segir Soros vera uppsprettu óstöðugleika. Að hann hafi gott auga fyrir gildi peninga sem aðrir sjá ekki. Sérstaklega þegar kemur að lögfræðingum borga og ríkis:
„Soros áttaði sig á því að það þarf í raun ekki að breyta lögunum. Það þarf bara að breyta því hvernig þeim er framfylgt. Ef enginn kýs að framfylgja lögum eða farið er eftir lögunum á mismunandi hátt, þá er það eins og að lögunum hafi verið breytt.“
