Hlutfall múslímskra grunnskólanemenda í austurrísku höfuðborginni er komið upp í 35%, sem þýðir að hópurinn hefur farið fram úr kaþólikkum og er orðinn stærsti trúarhópurinn. Þróunin hefur orðið til þess að sérfræðingur hefur kallað eftir skyldunámskeiði í lýðræði og vestrænum gildum.
Samkvæmt nýju tölunum eru 35% grunnskólanema múslímar, 21% kaþólskir, 13% rétttrúnaðar og tvö prósent eru annað hvort mótmælendatrúar eða tilheyra öðru trúfélagi. 26% eru trúlaus.
35% bendir til þess, að aukningin sé afar hröð. Námsárið 2016/2017 var hlutfall múslimskra nemenda í grunnskóla 28% og kaþólikkar voru 31%.
Könnunin sýnir einnig að ungir múslímar eru mjög trúaðir og flestir eru virkir tilbiðjandi meðlimir í viðkomandi moskum. Þeir hafa einnig meira niðrandi viðhorf gagnvart gyðingum, LGBTQ fólki og jafnrétti karla og kvenna.
Skyldukennsla í lýðræði frá fyrsta bekk
Félags- og fjölbreytileikafræðingurinn Kenan Güngör, sem ráðleggur austurrískum stjórnvöldum á sviði aðlögunar innflytjenda, kallar eftir breytingu á námskránni. Vill hann taka upp kennslu í lýðræðislegum gildum frá unga aldri. Þetta sé nauðsynlegt til að berjast gegn kenningum sem kenndar eru utan kennslustofunnar. Kenan Güngör segir:
„Það eru sífellt fleiri og fleiri sem snúast til íslams – og þeir hafa þá tilhneigingu að verða sífellt róttækari.“
Samkvæmt Güngör þarf kennsla í lýðræði, siðfræði og öðrum slíkum gildum að vera skylda frá og með fyrsta bekk. Hann og útskýrir að lýðræðið sé „almenn trú“ í Austurríki sem beri að innræta öllum nemendum óháð trúartengslum þeirra.