Myndin sýnir yfirtöku Bandaríkjanna á herstöðvum Svíþjóðar samkvæmt nýsamþykktum varnarsamningi Svíþjóðar og Bandaríkjanna.
Ef þriðja heimsstyrjöldin brýst út munu Bandaríkin nota Norðurlöndin Noreg, Svíþjóð og Finnland sem „flutningagang.“ Sú ákvörðun var kynnt á fundi Nató í Bodø í Noregi dagana 19.-20. júní að sögn TT/NTB.
Jonas Gahr Støre forsætisráðherra Noregs sagði á blaðamannafundi:
„Við getum unnið saman á allt annan hátt núna til að verja hvert annað, þegar við erum öll í Nató.“
Markmið ganganna er að flytja hermenn og birgðir fljótt frá norskum höfnum til austurvígstöðvanna.
Á fundinum í Bodø fengu Gahr Støre, forsætisráðherra Noregs, Alexander Stubb Finnlandsforseti og Ulf Kristersson, forsætisráðherra Svíþjóðar, meðal annars að fara í stríðsleik, sigla á gúmmíbát og fara um borð í norska strandgæsluskipið KV Svalbard.
Varnarmálaráðherrar Noregs, Svíþjóðar og Finnlands mættu einnig á Natófundinn skrifar TT.
Hin íslausa höfn Narvíkur í Norður-Noregi verður aftur mikilvæg staðsetning í þriðju heimsstyrjöldinni.
