Emma MacLean og Tori Hogan eru par í Halifax. (Skjáskot Youtube).
Hér er frétt um lesbíska parið Emmu MacLean og Tori Hogan í Halifax í Kanada sem urðu fyrir hrottalegri árás ofbeldissinnaðra íslamskra innflytjenda fyrir það eitt að vera samkynhneigðar. Margir velviljaðir samkynhneigðir loka augunum fyrir öfgamúslímum sem telja það hina mestu þörf (og skemmtun) að misþyrma og drepa samkynhneigða. Líklega sjáum við bara toppinn á ísjakanum í þessu stýrða vaxandi ofbeldi gegn íbúum Vesturlanda sem hafa aðra siði en sharíalög íslam. Samkvæmt þeim – eins og fulltrúar Hamas lýsa yfir – þá er það dauðadómur að vera samkynhneigður.
Það var átakanlegt fyrir konurnar þegar hópur miðausturlenskra karlmanna réðst á þær þegar þær voru að koma úr afmælisveislu. Er mesta mildi að konurnar eru enn á lífi en þær voru barðar og skildar eftir sundurlamdar með nefbrot og tannáverka auk áverka á líkömum sínum. Viðstödd vitni náðu að hringja í lögregluna sem kom á vettvang.
Að sögn hóf hópurinn að áreita Emmu MacLean og félaga hennar Tori Hogan í Halifax Kanada með ógeðfelldum athugasemdum um að þær væru lesbíur. Tori lýsir hópi tíu karlmanna sem gerðu árásina sem mönnum frá Miðausturlöndum trúlega frá Sýrlandi.
Emma sagði að sjö til tíu karlmenn hefðu ráðist á sig og Tori með hnefahöggum og spörkum í andlit, rifbein og annars staðar á líkamanum. Segjast þær vera mjög þakklátar fyrir að ekki fór á verri veg.
Emma setti myndskeið af árásinni á Facebook í von um að einhverjir bæru kennsl á árásarmennina. Fékk hún ótrúlegan stuðning áhyggjufullra notenda sem hörmuðu árásina og vonuðust til að árásarmennirnir fyndust og yrði refsað. Emma hefur einnig lýst í staðbundnum fjölmiðlum, hvernig hún varð að verða vitni að því að ráðist var á kærustu sína:
„Ég sá þegar þeir drógu Tori upp á steypta gangstétt og hún lá á bakinu og þeir byrjuðu að kýla og sparka í hana. Ég hoppaði á bakið á einum þeirra til að reyna að koma í veg fyrir að hann gæti barið hana. Þá var ég kýld á nefið og það kom blóð.“
Nærstaddir á staðnum hringu í lögregluna og þegar hún kom voru flestir árásarmannanna horfnir. Emma er dauðhrædd að fara í bæinn. Málið er í rannsókn.
