Að sögn bandarísku þingkonunnar Marjorie Taylor Greene, þá er toppfundur Nató m.a. haldinn í því skyni að skapa áætlun um hvernig hindra megi að Donald Trump, verði hann endurkjörinn forseti, geti stöðvað Úkraínustríðið. Nató vill engan frið. Nató vill áframhaldandi stríð og er í fullum undirbúningi fyrir þriðju heimsstyrjöldina.
Einn af liðum þessarar áætlunar er að gera það „ómögulegt“ að hægt verði að semja um það í hugsanlegum friðarviðræðum við Rússland, að Úkraína verði hlutlaust svæði, þ.e.a.s. að landið gangi ekki í Nató. Það hefur allan tíman verið ósk Rússlands sem eru komnir með meira en nóg af þjóðum og hertólum Nató að landamærunum. Frá Nató koma hins vegar skilaboðin að „Úkraína muni óhjákvæmilega verða meðlimur í Nató,“ þótt stundin sé ekki alveg inni. Nokkur Nató-ríki leggjast gegn aðild Úkraínu að Nató, því þá þýddi Úkraínustríðið, að Rússland og Nató væru í stríði og þriðja heimsstyrjöldin að veruleika.
Nató ætti að vinna að friði í staðinn fyrir að stöðva friðarumleitanir Donald Trumps
Nató heldur áfram að ausa peningum og vopnum til Úkraínu og grannvitrir stjórnmálamenn í vestri kyrja „að það verði að láta Úkraínu hafa peninga og vopn, þar til Úkraína hefur sigrað.“
Marjorie Taylor Greene sagði:
„Þeir munu einnig ræða meira fjármagn til stríðsins í Úkraínu og hvernig stöðva eigi Trump í fyrirætlun sinni að binda enda á stríðið. En raunveruleikinn er sá að þeir eru að færa heiminn nær heimsstyrjöld. Þeir ættu í staðinn að vinna að friði. Flestir Bandaríkjamenn styðja ekki stríðið í Úkraínu.“
„Við höfum heilabilaðan forseta sem mun sitja við borðið fyrir hönd Bandaríkjanna með ávísanahefti Bandaríkjamanna í höndunum og gera samninga við Nató um meira fé til Úkraínustríðsins.“
Hér má heyra smá ræðu Greene á X fyrir Nató-fundinn í Washington og þar fyrir neðan lengra myndskeið hennar um markmið fundarins:
Heyra má boðskap Majorie Taylor Greene á myndskeiðinu hér að neðan:
