Yfirvöld í Singapúr hafa „tekið stórt skref“ í innlendri matvælaframleiðslu með því að samþykkja fjölda mismunandi skordýrategunda sem mannafæðu. Telja yfirvöld að skordýrafóður auki fjölbreytni í fæðuframboði landsins og dragi um leið úr umhverfisáhrifum.
Á síðasta áratug hafa sífellt fleiri vestrænir fjölmiðlar lýst skordýrum sem „matvælum framtíðarinnar.“ Andspyrna er mikil gegn skordýramat á Vesturlöndum en fjölmiðlar glóbalista reyna allt til að breyta því og segja pöddur vera herramanns mat framtíðarinnar.
16 skordýr á matseðlinum
Yfirvöld Singapúr segja skordýr vera frábæra lausn til að mæta matarþörfum framtíðarinnar á „sjálfbæran“ hátt.
Verið er að skapa „sjálfbæra framtíð“ með því að leyfa 16 skordýrategundum að komast á matseðilinn og segja yfirvöld það muni gefa fólki tækifæri til að upplifa nýjar og spennandi bragðtegundir úr eigin búri náttúrunnar. Bandaríska CNBC greinir frá málinu sem fylgir að fullu þeirri pöddustefnu sem World Economic Forum, WEF, hefur fjálglega mælt fyrir á fundum sínum undanfarin ár.
Mjölormar, engisprettur og maðkar
Á listanum yfir skordýrategundir sem fólk á núna að fara að borða eru meðal annars engisprettur, mjölormar og hvítar lirfur. Í pödduáróðrinum er því haldið fram, að skordýr séu rík af próteini og ýmsum steinefnum og ekki þurfi jafn mikið land og vatn í skordýraframleiðslu til manneldis miðað við hefðbundið búfjárhald. Er fullyrt að með því að skipta út hefðbundnum kjöt- og mjólkurpróteinum fyrir skordýraprótein, þá muni losun minnka verulega.
Að borða pöddur er „töff, sjálfbært og nýstárlegt“
Af fréttatilkynningu stjórnvalda má ráða að heimilt sé að nota skráðar skordýrategundir strax í matvælaiðnaðinum svo framarlega sem kröfum matvælayfirvalda landsins sé fullnægt. Það þýðir að landsmenn geti farið að njóta þessara kræsinga mjög fljótlega.
Talsmenn pödduáts halda því fram, að hér sé um hárrétta og mikilvæga ákvörðun að ræða. Pöddur í mannamat er „töff, sjálfbært og nýstárlegt.“ Fyrir utan að stórbæta matarframboðið í Singapúr, þá fylgir sá bónus, að jörðinni verður bjargað frá umhverfisspjöllum og loftslagsdómsdegi.
Boðun pödduáts kemur frá stórum alþjóðlegum stofnunum eins og WEF, ESB, COF og ýmsum stofnunum SÞ. Áróðursmiðlar glóbalista fegra pödduátið og gera lítið úr hættum þess fyrir menn. Þar sem skordýr eru borðuð er það yfirleitt vegna hungursneyðar. Þrátt fyrir miklar áróðursherferðir til að hefja pödduát til skýjanna, þá er andspyrnan enn mikil – ekki síst í Evrópu þar sem afnám landbúnaðar þýðir endalok álfunnar.
