Marine Le Pen gæti orðið næsti forseti Frakklands. (Mynd: Wikipedia/ Rémi Noyon).
Marine Le Pen tilkynnir að hún muni reyna að mynda ríkisstjórn í Frakklandi jafnvel þótt flokkur hennar nái ekki eigin meirihluta í síðari umferð kosninganna.
Þjóðfylkingarflokkurinn er í góðri stöðu eftir fyrstu umferð frönsku kosninganna. Að mati nokkurra sérfræðinga eru góðar líkur á, að flokkurinn nái eigin meirihluta eftir aðra umferð kosninganna næsta sunnudag.
Áætlun Marine Le Pen
Stofnandi flokksins, Marine Le Pen, sagði í viðtali við franska útvarpið í gær samkvæmt Financial Times, að hún muni reyna að mynda ríkisstjórn þótt flokkur hennar nái ekki eigin meirihluta á franska þinginu. Marine Le Pen segir:
„Til að segja það hreint út: Við viljum stjórna.“
Hún segir jafnframt, að flokkurinn sé opinn fyrir samstarfi við stuðningsflokka, ef ekki tekst að ná eigin meirihluta. Verður leitað eftir samstarfi bæði til hægri og vinstri en líklega fremst meðal hægri manna.
