Julian Assange (mynd Wikipedia / David G Silvers / CC 2.0).
Reuters greinir frá því, að réttarhöld um áfrýjun Julian Assange á framsali til Bandaríkjanna muni fara fram dagana 9. – 10. júlí í Hæstarétti London. Ákvörðunin er mikilvæg, vegna þess að Assange á hættu á lífstíðarfangelsi í Bandaríkjunum, pyndingum og jafnvel dauða.
Hin goðsagnakennda frelsishetja og stofnandi Wikileaks, Julian Assange, hefur lengi verið skotmark bandaríska „djúpríkisins“ sem vill sakfella hann fyrir ýmsa glæpi – meðal annars fyrir njósnir.
Ríkisstjórnir, ráðherrar, lögfræðingar og aðrir háttsettir hafa lengi krafist þess, að væntanleg kæra gegn Assange verði felld niður og hann náðaður.
Handtekinn í Bretlandi
Núna er Assange í gæsluvarðhaldi í Bretlandi en því gæti verið lokið bráðlega, vegna þess að Bandaríkin vilja fá hann framseldan. Það vill hins vegar Assange sjálfur ekki og hann nýtur stuðnings baráttufólks mannréttinda og lögfræðinga.
Í Bandaríkjunum á Assange á hættu 175 ára fangelsi og óttast margir að svo harkalega verði gengið að honum að hann muni týna lífinu. Sumir segja jafnframt, að hann eigi á hættu að vera pyntaður.
Tveir breskir dómarar ákváðu í maí s.l. að Assange mætti áfrýja ákvörðuninni um framsal til Bandaríkjanna og verður sú ákvörðun tekin til meðferðar í Hæstarétti í næsta mánuði.
