Fyrr í vikunni var haldinn fjölmennur alþjóðlegur fundur í London gegn árásum glóbalista á mannkyn. Margir af helstu leiðandi einstaklingum í heimsmálaumræðunni mættu á fundinn. Hin nýstofnuðu samtök Bandalag almennra borgara boðuðu til fundarins en einn helsti drífandi stofnandi bandalagsins er hinn heimskunni sálfræðingur Jordan B. Peterson. Bandalagið er stofnað meðal annars til að hindra áætlun World Economic Forum að afnema lýðræði í heiminum. WEF hefur laumað sínu fólki inn í ríkisstjórnir margra þjóðríkja, meðal annars á Íslandi.
Dagana 31. október – 1. nóvember stóðu samtökin „Bandalag ábyrgra ríkisborgara“ (Alliance for Responsible Citizenship), ARC fyrir fyrstu stóru ráðstefnu sinni í London. Samtökin eru alveg ný, voru formlega stofnuð sumarið 2023, að undirlagi hins heimsþekkta sálfræðings Jordan B. Peterson frá Kanada. Hann er þekktur fyrir að rústa kenningum rétttrúnaðarins. Meðal þeirra fyrstu sem studdu nýju samtökin voru fyrrverandi forsætisráðherrar Ástralíu, Tony Abbott og John Howard.
Uppbygging samtakanna minnir á fyrirkomulag samtaka myrkrarafla í heiminum, World Economic Forum, WEF. Leiðandi einstaklingar í stjórnmálum, viðskiptum, menningu o.fl. koma saman til að móta stefnu framtíðarinnar. Meðal þeirra sem eru í ráðgjafahóp ARC auk Peterson, Abbott og Howard má nefna nöfn eins og Vivek Ramaswamy, forsetaframbjóðanda í Bandaríkjunum, Mike Johnson, forseta fulltrúadeildar Bandaríkjaþings, Michael Shellenberger blaðamanns og Niall Ferguson. sagnfræðings.
Ábyrgð og von í stað undirgefni og ótta
Munurinn er mikill á ARC og WEF. WEF einbeitir sér að verkefnum sem skerða frelsi einstaklingsins. Þeir styðja fullyrðinguna um yfirvofandi loftslagsslys, sem aðeins er hægt að bregðast við, ef einstök lönd afhenda vald sitt til þeirra stofnana sem eru hluti af WEF.
ARC einbeitir sér aftur á móti að því að endurskapa þau hefðbundnu gildi sem gerðu Vesturlönd framgangsrík. Ólíkt WEF neita hin nýstofnuðu samtök að einblína á þær hamfarakenningar sem elítan básúnar út til dæmis loftslagshamfarir, heimsfaraldrar, stórstyrjaldir og þess háttar. Þess í stað vill ARC draga fram jákvæða framtíðarsýn og gefa fólki von um að geta unnið að þeim.
Hugmyndin er að byggja upp frjálst fólk með örugga sjálfsmynd, sem ber ábyrgð á bæði sjálfu sér, eigin þroska og umhverfi sínu. Hér að neðan er stuttur bútur úr ræðu Jordan Petersons um skaðlega verkun af stöðugum heimsendaáróðri glóbalistanna. Hann var klökkur því honum finnst heilaþvotturinn færa mannkyn nær djöfullegum markmiðum glóbalismans. Neðar á síðunni má sjá tvö myndskeið með ræðum hans Við getum velt heiminum frá helvíti til himins“ og „Það er ekki til nein eyðimörk sem við getum ekki látið blómgast.“ Einnig er ræða Konstantin Kisins „Hvernig dirfist þið!“ hér að neðan. Ræður þeirra og annarra eru birtar á heimasíðu ARC.
Ungir leiðtogar
Einn ráðstefnugesta var Eva Vlaardingerbroek, hollenski álitsgjafinn og réttarheimspekingurinn, sem hefur tekið virkan þátt í umræðunum í Evrópu og víðar, sjá hér. Hún skrifar í færslu á X-inu (sjá að neðan), að henni hafi verið boðið sem einum af ungum leiðtogum ARC. Hún skrifar:
„Tími kominn til að sýna WEF, hver það er sem ræður.“
(WEF hefur verkefnið Ungir Alþjóðaleiðtogar, þar sem stjórnmálamenn eru skólaðir í markmiðum glóbalismans eins og til dæmis Justin Trudeau forsætisráðherra Kanada, Emmanuel Macron forseti Frakklandi og Anders Borg fyrrverandi fjármálaráðherra Svíþjóðar.)
