Ted Cruz ásakar Joe Biden forseta Bandaríkjanna fyrir að vera „það besta sem rekið hefur á fjörur eiturlyfjahringjanna í Mexíkó.“ Á myndskeiðinu að neðan sem tæknirisarnir í þjónustu Hvíta hússins gera allt til að fjarlægja af netinu, segir Ted Cruz meiningu sína á afar skýran hátt. Lík finnast á dreif við opnu landamærin við Texas, mansal og verslum með börn sem kynlífsþræla bætist við risastórt vandamál með smygl eiturlyfja til Bandaríkjanna.
Skýringin á hörku Bidens gagnvart þeim sem vilja loka landamærunum vekja grunsemdir um, að í rauninni gangi forseti Bandaríkjanna erindi glæpahringjanna. Miðað við fyrri reynslu af glæpastörfum Biden fjölskyldunnar bæði í Kína og Úkraínu er það alls ekki ólíklegt að Biden hagnist sjálfur persónulega af því að hafa landamærin galopin. Ted Cruz sagði í viðtalsþætti Jesse Watters, Primetime:
„Þeir sem drepa bandaríska ríkisborgara verða að sæta ábyrgð. Þetta myndi ekki gerast ef við hefðum ábyrga forsetaforystu. Joe Biden skapaði glundroða við landamærin. Joe Biden hætti að byggja múrinn. Hann kom aftur á „handtaka og sleppa.“ Hann dró sig úr „Verið áfram í Mexikó.“ Það sem Joe Biden hefur gert, er að hann hefur breytt þessum grimmu fíkniefnahryðjuverkamönnum í milljarðamæringa.“
„Það besta sem hefur komið fyrir mexíkönsku eiturlyfjahringana er að Joe Biden varð forseti.“
Cruz hélt áfram:
„Á síðasta ári höfðum við mestu ofneyslu eiturlyfja í sögu lands okkar. Yfir 100.000 dóu vegna ofurneyslu í Bandaríkjunum, meirihluti þeirra kom frá kínversku fentanýlflóði yfir þessi landamæri. Joe Biden og demókratar bera ábyrgð á því að breyta þessum grimmu morðingjum í margmilljarðamæringa.“
Cruz leggur til að þrýst verði á mexíkósk stjórnvöld til að stöðva landamærakreppuna.
„Svarið er að þrýsta á Mexíkó og láta mexíkóska herinn koma og handtaka þessa menn og framselja þá til Bandaríkjanna, þar sem hægt verður að sækja þá til saka.“
Hér að neðan má sjá myndskeið sem var bjargað af netinu og þess vegna er hljóðið ekki alveg í takt við myndina. En boðskapurinn heyrist skýrt. Tæknirisarnir hafa eflaust fengið skipun frá Hvíta húsinu um að fjarlægja upprunalega myndskeiðið.
