Joe Biden heilsar flugmönnum fyrir flug til baka til Rehoboth, Delaware, 21. janúar 2024. (Opinber mynd © Hvíta húsið, ljósmyndari Adam Schultz).
Þessi grein birtist upphaflega á WND.com eftir Bob Unruh. Endursögð í lauslegri þýðingu hér að neðan. „Blóðið flýtur á jarðvegi þriggja heimsálfa. Vígamenn eru í drápsferðum.“ Fyrir seinni heimsstyrjöldina höfðu þróast mörg minni svæðisbundin átök sem að lokum runnu saman í alheimsstyrjöld. Það er einmitt það sem er að þróast núna. Joe Biden leyfir það.
Gordon Chang, sérfræðingur í málefnum Kína, skrifar í pistli hjá „The Gatestone Institute:“
„Biden hefur opnað flóðgátt helvítis. Þrátt fyrir að ekkert sé óumflýjanlegt, þá nálgumst við fljótlega það stig, þar sem hann muni ekki geta stöðvað Kína og Rússland, beint eða óbeint að sameinast í núverandi átökum og breyta þeim í næstu heimsstyrjöld.“
Utanríkisstefna Bidens hefur hrunið
Hann benti á að:
„Utanríkisstefna Bidens hefur hrunið. Þjóðaröryggisráðgjafi Jake Sullivan viðurkenndi það í raun og veru við Dana Bash á CNN þann 4. febrúar.“
Bash sagði:
„Þú hefur sagt núna nokkrum sinnum í þessu viðtali og þú hefur sagt þetta oft áður, að stjórnvöld séu að reyna að koma í veg fyrir að þetta breiðist út í svæðisbundin átök.“
Síðan taldi hún upp átakasvæði og sagði:
„Samstarfsmaður minn Peter Bergen benti klárlega á, að þessi átök eru í gangi í 10 löndum og að minnsta kosti fjórum stórum hryðjuverkahópum. Eru þetta þá ekki þegar orðin svæðisbundin átök?“
Aðskildar en tengdar áskoranir
Sullivan svaraði: „
„Jæja, Dana, það sem ég myndi segja er að þetta eru aðskildar en tengdar áskoranir. … Til dæmis, það sem er að gerast í Rauðahafi er augljóslega að vissu marki kveikt af því sem er að gerast á Gaza, en það er ekki það sama. Hútar eru ekki bara að berjast gegn skipum sem tengjast Ísrael; þeir eru að herja á mörg mismunandi skip frá mörgum mismunandi löndum. Þess vegna erum við að reyna að takast á við áskorunina um siglingafrelsi á Rauðahafinu. Það er sérstök áskorun. Hersveitirnar í Írak og Sýrlandi eru að ráðast á sveitir okkar. Við erum að bregðast við. Svo er Ísrael auðvitað að takast á við áskorun Hamas á Gaza og ógn frá Hezbollah í norðri.“
Stríðið hefur þegar magnast út fyrir átakaræmu Gaza
Chang útskýrir í grein sinni:
„Sullivan staðfestir, þótt það hafi ekki verið ætlun hans, að stríðið á Gaza hefur þegar stigmagnast út fyrir þessa átakaræmu. Ástandið er í raun verra en hann lét í veðri vaka. Leiðtogar Hamas hafa flúið Katar og fela sig nú í sendiráðum Katar í Marokkó, þar sem konungur óskar ekki nærveru þeirra og í Alsír, þar sem stjórnin fagnar þeim.“
Hann sagði að það þýði, að Íranar hafi í rauninni þegar staðsett hermenn við vesturenda Miðjarðarhafs, í samræmi við hótanir þeirra um að loka skipaferðum þar eins og þeir hafa þegar gert á Rauðahafi. Hamas-liðar hafa „einnig flúið Katar til Tyrklands, sem stjórnar aðgangi að Svartahafi og Líbanon.“
Atburðarásin hefur verið þessi:
„Ógöngum Bidens í Afganistan í ágúst 2021 var fljótlega fylgt eftir af innrás Rússa í Úkraínu, af kínverskum og rússneskum stuðningi við uppreisnarmenn í Norður-Afríku og árásum Írans á Ísrael frá Gaza og Gólanhæðum. Blóð flýtur núna á jarðvegi þriggja heimsálfa. Meira blóði verður spillt. Vígamenn eru í drápsferðum.“
Chang segir, að stefna Biden mistakist vegna þess að Biden telur að hægt sé að samþætta „nánast allar þjóðir inn regluverk alþjóðakerfisins.“ En Kína og Rússland virða nú þegar ekki fullveldi annarra ríkja. Það þýðir að:
„Peking og Moskvu viðurkenna ekki þær forsendur sem hafa skilgreint heiminn frá friði Vestfalíu 1648, sem kom á núverandi alþjóðakerfi. Kínverskir og rússneskir leiðtogar eru ekki sammála um hvað eigi að koma í stað Westfalen en þeir vinna engu að síður saman að því að taka þær núverandi niður.“
Bandaríkin orðin að mestu leyti kínversk nýlenda
Biden er því að „reyna að vinna“ með Kína á meðan Xi Jinping „trúir því að Bandaríkin séu að mestu leyti kínversk nýlenda.“ Biden er líka að reyna að „stjórna“ stríðinu milli Rússlands og Úkraínu. Hann leitar einnig að „málamiðlun“ í Miðausturlöndum:
„Hann ætti að gera sér grein fyrir því, að hann á engan næturstað hjá stjórnvöldum sem annað hvort leitast við að eyðileggja Bandaríkin – Kína og Íran, til dæmis – eða stjórnum sem hjálpa slíkum óvinum – einkum Rússland.”
