Óvilji Joe Biden til að verja landamæri Bandaríkjanna er að öllum líkindum ein stærstu mistök hans sem forseta og ekki skortir mistök að velja úr. Ný harðskeytt auglýsingamynd frá Trump-teyminu ásakar Biden bæði réttilega og samtímis harkalega vegna aðgerða hans sem er ekkert annað en meðvituð stjórnmálastefna til að halda smyglleiðum opnum fyrir ólöglega innflytjendur til landsins. Sú leið er um leið leiðin fyrir eiturlyf til landsins sem drepur tugi, hundruð þúsunda Bandaríkjamanna árlega.
Auglýsingin inniheldur fréttaklippur frá ýmsum aðilum, þar sem fjallað er um ákvarðanir Biden um að eyðileggja allar farsælar landamæraöryggisráðstafanir Trumps, sem hafa opnað flóðgáttir núverandi innrásar ólöglegra innflytjenda.
Frá því að Biden tók við völdum í janúar 2021 hefur verið tilkynnt um að yfir 10 milljónir manna hafi komið ólöglega til Bandaríkjanna. Biden kálaði Mexíkó-stefnunni, hætti við að ljúka byggingu landamæragirðingarinnar og tók aftur upp taka og sleppa stefnunni svo dæmi séu tekin.
Hápunktur auglýsingarinnar sem samtímis sýnir lágkúruna í innflytjendamálum Bandaríkjanna sýnir fréttabrot af nýlegri árás ólöglegra innflytjenda á lögreglumenn í New York (sjá X að neðan). Ofbeldismönnunum var síðan tafarlaust sleppt án tryggingar (sjá X að neðan).
Einn hinna grunuðu yfirgaf dómshúsið sem frjáls maður og gaf Bandaríkjamönnum langfingurinn fyrir framan myndavélarnar.
Auglýsing Trump-teymisins endar á orðunum: „Joe Biden sýnir þér fingurinn.“
Sjá má auglýsingamyndina hér á X að neðan og þar fyrir neðan myndskeið á X með árás ólöglegra innflytjenda á lögregluna og þar fyrir neðan innflytjandann sem hæðist að Bandaríkjamönnum:
