Enska heilbrigðisþjónustan (NHS) hefur ákveðið að hætta að ávísa kynþroskahemlum fyrir börn og unglinga sem telja sig þjást af kynjavandamáli eða kynjamisræmi. Hinar sterku hormónameðferðir geta valdið alvarlegum og varanlegum skaða og telur NHS að ekki sé lengur siðferðilega mögulegt að verja meðferðina fyrir ólögráða börn.
LGBTQI+ hópar hafa talað fyrir notkun kynþroskahemla á börn og ungmenni sem eru í vandræðum með að finna sjálfsmynd sína, þjáist af kynjamisræmi og hafi fæðst í líkama af „röngu“ kyni.
Mikil gagnrýni gegn kynþroskahemlum
LGBTQI+ hreyfingin hefur hlotið mikla gagnrýni fyrir að misnota börn í eigin pólitískum tilgangi. Rannsóknir sýna, að langflestir þeirra sem greinast með kynjavandamál þjást í raun af öðrum kvillum – allt frá eðlilegum sálfræðilegum þroskatruflunum og til Asperger og einhverfu.
Í sínum viðkvæmum aðstæðum eru þessi börn og ungmenni og ekki ósjaldan foreldrar þeirra líka, orðin auðveld fórnarlömb áróðurs LGBTQI+ hreyfingarinnar. Jafnvel stjórnmálamenn og heilbrigðiskerfið liggja undir ásökunum um að vera „and-trans“ og „hatandi“ gagnvart kynferðislegum minnihlutahópum nema að afstaða hreyfingarinnar á kynjum, kynvitund og greiningu barna og ungmenna sem leita að sjálfsmynd, sé samþykkt.
Það sem mætir einna mestu gagnrýni eru afar sterkar hormónameðferðir barna sem stöðva eðlilegan líkamsvöxt og halda barninu á þróunarskeiði sem það ætti að hafa yfirgefið sökum aldurs.
Óbætanlegt tjón
Sýnt hefur verið fram á, að meðferðirnar valda óafturkræfum skemmdum meðal annars á beinagrindinni. Einn hamla meðferðirnar eðlilegum þroska heilans. Hormónin auka oft á kvíða og þunglyndi sem haldið er fram, að þau eigi að lina og lækna. Barnið heldur áfram að vera barn á meðan vinir á sama aldri halda áfram að þroskast í fullorðna.
Eftir að hafa sagt já í lengri tíma eru fleiri og fleiri heilbrigðisstarfsmenn og heilbrigðistengd samtök farin að safna kjarki og segja stopp. Eru það einkum sífellt fleiri sannanir fyrir skaðlegum áhrifum hormónameðferðar barna sem er til grundvallar.
Í Englandi hefur Lýðheilsan NHS tekið þá ákvörðun að hætta öllum kynþroskahamlandi meðferðum á börnum. Yfirgnæfandi samþykki samfélagsins er fyrir því en LGBTQ hópar fordæma ákvörðunina. NHS segir að ákvörðunin hafi verið „vandlega ígrunduð“ og byggi á umfangsmiklum sönnunargögnum til margra ára og mati frá því að rannsóknin var framkvæmd árið 2020.
Leyfilegt hjá einkaaðilum enn um sinn
Þar sem þetta er ekki lagabreyting sem bannar kynþroskahemla, þá geta fyrirtæki í einkarekstri haldið áfram enn sem komið er að annast hormónahamlandi meðferðir barna. En þar sem Lýðheilsan gengur út með ákvörðun um að hætta slíkri meðferð má búast við að margir hætti einnig við að nýta sér slíka þjónustu einkafyrirtækja. Í framhaldinu gæti lagalegt bann náð fram að ganga.
Margir breskir stjórnmálamenn fögnuðu tilkynningu NHS. Victoria Atkins, heilbrigðis- og félagsmálaráðherra Bretlands og Maria Caulfield heilbrigðisráðherra fögnuðu ákvörðun NHS og sagði heilbrigðisráðherrann í athugasemd að líta beri á ákvörðunina sem „byltingarkennda breytingu þar sem öryggi og vellíðan barna er í fyrirrúmi.“
