Ákvörðun Gautaborgar um að sniðganga innkaup frá Ísrael var stöðvuð af stjórnsýsludómstólnum samkvæmt dómsúrskurði í gær. Dómurinn er frestun þar til nánari úrskurður kemur.
Fyrir tæpum tveimur vikum ákvað innkaupadeild Gautaborgar að sniðganga Ísrael og „vörur frá ríkjum sem stunda ólöglega hersetu annarra ríkja.“
Ákvörðunin var samþykkt með fimm atkvæðum rauðgræna meirihlutans gegn fjórum atkvæðum borgaralegu stjórnarandstöðunnar (Móderatar, Svíþjóðardemókratar, Frjálslyndir og staðarflokks demókrata).
Ógilding á meðan beðið er endanlegs úrskurðar
Svíþjóðardemókratarnir kærðu ákvörðunina til stjórnsýsludómstólsins í Gautaborg m.a. með þeim rökstuðningi að sniðganga væri ólögleg. Svíþjóðardemókratinn Emil Eneblad, sem skrifaði kæruna, segir í samtali við Samnytt:
„Borgarstjórn er óheimilt að stunda utanríkisstefnu. Lögin eru kristaltær um það efni og hafa margoft verið reynd í Hæstarétti. Engu að síður velur meirihlutinn að taka þessa ákvörðun.“
Stjórnsýsludómstóllinn í Gautaborg tók ákvörðun um ógildingu sem þýðir að ákvörðun borgarstjórnar gildir ekki þar til endanlegur úrskurður dómstólsins liggur fyrir.
Gott að bæjarstjórnin fái ekki að sniðganga Ísrael
Emil Eneblad fagnar ógildingu stjórnlagadómstólsins. Hann segir við Samnytt:
„Hindrun er tæki sem hægt er að óska eftir að dómstóllinn noti, þegar ljóst er að ákvörðunin sem er kærð er ólögmæt. Það þýðir alltaf að hin kærða ákvörðun er hnekkt í lokadómnum.“
„Ég er að sjálfsögðu ánægður með að dómstóllinn sé mér hliðhollur og deili skoðun minni á lögunum. Umfram allt er ég ánægður með, að það sé ólöglegt fyrir bæjarstjórnina að sniðganga Ísrael í gegnum störf sín.“
