Mike Corbalan missti yngri bróður sinn Michel, stuttu eftir að hann fékk þriðju sprautuna af Covid bóluefninu.
Í dönsku heimildarmyndinni „Forboðu aukaverkanirnar“ eru vísbendingar um mörg skyndileg veikindatilvik hjá þeim sem tóku Covid bóluefnið. Umfram allt tala fórnarlömbin um þöggunarmenningu sem ríkir í landinu og hvernig það er, þegar hvorki heilbrigðiskerfið né samfélagið tekur þjáningar þeirra alvarlega.
VaccinationsForum eru sjálfstæð samtök í Danmörku sem hafa það að markmiði að dreifa þekkingu um bólusetningar og styðja fólk sem skaðast af völdum bólusetninga. Elsa Jensen ein er af stofnendum samtakanna og hefur unnið með bóluefnaskaða í nær 30 ár. Hún segir í heimildarmyndinni:
„Við vorum lítill hópur sem vildum stofna samtök svo við gætum hjálpað fólki. Að hluta til vildum við upplýsa um réttindi fólks til samþykkis og einnig að koma þeim til hjálpar sem sköðuðust.“
Samtökin fengu í upphafi góðar viðtökur bæði af fjölmiðlum og hjá heilbrigðisþjónustunni og telur Jensen að þau hafi í gegnum árin átt gott samband við bæði stjórnvöld og heilbrigðisyfirvöld og jafnframt fengið ríkisstuðning. Í lok árs 2020 birtu samtökin heimildamyndina Svikin sem fjallar um bólusetningaráverka hjá börnum. Í kjölfarið birtist mjög neikvæð grein um heimildarmyndina og þar með einnig um samtökin. Greinin hafði slík áhrif að ríkisstyrkur til samtakanna var afturkallaður.
Alvarlegar aukaverkanir
Í heimildarmyndinni segja þeir sögu sína, sem hafa skaðast vegna Covid bóluefnisins. Endurtekið þema eru skyndileg og undarleg einkenni sem gera lífið svo erfitt að flestir neyðast til að sjúkraskrifa sig. Hjá sumum, eins og Mike Corbalan, varð það enn verra þegar yngri bróðir hans veiktist eftir þriðju sprautuna með Covid bóluefninu í desember 2021. Tveimur vikum síðar byrjar hinn 23 ára gamli Michel að fá mikinn höfuðverk. Það tókst að halda höfuðverknum í skefjum með verkjalyfjum og því taldi Michel ástandið vera að lagast. Þegar líður á þriðju viku er höfuðverkurinn hins vegar orðinn það mikill, að honum verður óglatt og þarf að leggjast niður. Hann fær fljótlega krampaköst í kjölfarið og kærastan hans hringir á sjúkrabíl. Á sjúkrahúsinu leggst Michel í tíu daga dá sem endar með dauða hans.
Að sögn bróðurins var Michel heilbrigður og átti aldrei við nein læknisfræðileg vandamál að stríða áður en hann lét bólusetja sig gegn Covid. Meira að segja starfsmenn sjúkrahússins voru í áfalli yfir dauða hans. Eldri bróðirinn Mike segir:
„Meira að segja hjúkrunarkona sagði, að á þeim fimmtán árum sem hún hefði unnið þarna hafi hún aldrei séð neinn mann fá jafn mikið af lyfjum og hann.“
Engin sjúkdómsgreining
Það sem þátttakendur í heimildarmyndinni eiga sameiginlegt er, að það er afar erfitt að fá einhverja formlega leiðréttingu – sérstaklega frá læknum. Þrátt fyrir að heilbrigðiskerfið finni engar aðrar orsakir, þá hafa margir átt í erfiðleikum með að fá læknana til að jafnvel ræða um einkenni sín sem mögulegar aukaverkanir af bóluefninu. Þeim sem tókst að ná svo langt voru enn langt frá því að fá leiðréttingu á sínum málum.
Emma Steinicke, sem hefur verið sjúkraskrifuð frá starfi sínu sem hermaður eftir að hún fékk einkenni eftir Covid- bólusetningu, hefur átt erfitt með að fá læknana til að íhuga, að það gætu verið aukaverkanir af bóluefninu. Það sem byrjaði sem doði í fótleggjum endaði með heilaskaða sem enginn getur útskýrt. Steinicke segir:
„Þegar ég minntist á það við læknana, að það gætu verið aukaverkanir af bóluefninu, þá sögðu þeir bara: „Nei, þetta er eitthvað allt annað.“ Þá spurði ég hverskonar sjúkdómsgreiningu ég væri með? – Ja, þú getur ekki fengið sjúkdómsgreiningu.“
Hermaðurinn fyrrverandi hefur enn þann dag í dag ekki fengið skýrt svar við því, af hverju hún hlaut þennan skyndilega heilaskaða.
Læknarnir gerðu margar mismunandi prófanir á Michel til að komast að því, hvað olli skyndilegum dauða hans. Ekkert fannst. Fjölskyldan segir lækninum, að það gæti verið aukaverkanir af Covid bóluefninu og eftir á tilkynnir læknirinn það. Fjölskyldan hefur samt ekki fengið neina leiðréttingu vegna andláts hins 23 ára gamla Michels eða skaðabætur. Enn er verið að rannsaka lík hans. Eldri bróðirinn Mike segir:
„Þegar ég tala við lækninn, þá líður mér eins og við munum aldrei fá neitt svar. Það er það sem ég er hræddur um.“
Hér að neðan er fyrst kynning heimildarmyndarinnar og þar fyrir neðan er sjálf heimildarmyndin:
