Alexander Stubb, forseti Finnlands, er ekkert að fela stríðsáróðurinn lengur. Hann segir að ESB verði að skipta efnahagskerfinu yfir í „stríðshagkerfi,“ það er að segja efnahagskerfi á tímum stríðs. Þótt vopnaframleiðendur hali inn gull vegna Úkraínustríðsins vill hann ásamt fleiri stjórnmálaleiðtogum ESB stórauka framleiðslu vopna samtímis sem reynt er að telja almenningi trú um að „fleiri vopn séu leiðin til friðar.“
Stjórnmálamenn í ESB hafa með dyggri aðstoð fjölmiðla og ekki síst Nató hrætt almenning í Evrópu með yfirvofandi árás Rússlands á öll önnur lönd í Evrópu. Skiptir engu þótt Rússar hafi hafnað öllum slíkum fullyrðingum. Haldið er áfram að hræða með Rússagrýlunni.
Boðskapur von der Leyen: Undirbúum okkur undir stríð við Rússland
Robert Habeck, efnahagsráðherra Þýskalands og varakanslari, lýsti því yfir í apríl, að Þýskaland þurfi að auka vopnaframleiðsluna. Með því er verið að ganga á bak við samninga um takmörkun vopnagetu Þýskalands frá því í seinni heimsstyrjöldinni. Ursula von der Leyen hvetur aðildarríkin til að búa sig undir vopnuð átök við Rússland.
Alexander Stubb Finnlandsforseti sagði í viðtali 3. júlí við Bloomberg, að Evrópa yrði að skipta yfir í „stríðshagkerfi.“ Stubb sagði:
„Evrópa verður að skipta yfir í stríðshagkerfi. Auka verður vopnapantanir og skapa langtímagrundvöll fyrir vopnaiðnaðinn. Evrópski fjárfestingarbankinn verður að fara út fyrir rauðu línurnar og hefja öfluga fjármögnun vopnaiðnaðarins.“
Þriðja heimsstyrjöldin er „leiðin til friðar“
Að Úkraína er búið að tapa stríðinu vegna mikils mannfalls og hernaðarlegs forskots Rússlands hindrar ekki stríðsbrjálaða stjórnmálamenn Evrópusambandsins að halda áfram að ausa vopnum yfir Úkraínu og siga Úkraínu til að ráðast á skotmörk í Rússlandi. Hvert landið á fætur öðru „leyfir“ Úkraínu núna að nota vopn frá sér til árása á Rússland. Stríðsbrjálæðingarnir í ESB, Nató og Pentagon halda að þeir geti unnið kjarnorkustríð við Rússland.
Vettvangur staðgengilsstríðsins gegn Rússlandi verður því stækkaður til hernaðarlega nálægra landa eins og Svíþjóðar og Finnlands. Sem nýir Nató meðlimir hafa bæði löndin bókstaflega gefið Bandaríkjunum yfirráðarétt yfir herjum sínum og landsvæðum. Varnarsamningar hafa verið gerðir við Bandaríkjamenn sem veita Bandaríkjamönnum frjálsan aðgang að herstöðvum Finna og Svía og möguleika á að gera árásir á önnur lönd frá Finnlandi og Svíþjóð.
Eins og Stoltenberg sagði:
„Leiðin til friðar er að senda meiri vopn til Úkraínu.“
Stoltenberg gæti alveg eins sagt, að kjarnorkuvopnaárás á Rússland er eina leiðin til að fá frið við Rússland. Nató gerir allt til að eyðileggja heimsfriðinn.
