Lyfjarisarnir og ýmsar ríkisstjórnir vinna að því í flýti að tjaldabaki, að nautakjöt og mjólkurvörur verði sprautaðar með mRNA „bóluefni.“ Það hefur verið gert við svínakjöt síðan 2018 og nautakjöt er næst á dagskrá.
Jason Nelson, forstjóri „Whole Cows“ hefur fylgst grannt með þróuninni. Fyrirtæki hans í Texas, sem sérhæfir sig í geymsluþolnu frostþurrkuðu kjöti til langtímageymslu, hefur heitið því að leyfa aldrei genalæknuðum nautgripum að komast inn í matvælin sem fyrirtækið framleiðir. Hann segir:
„Frekar loka ég fyrirtækinu en að senda einn einasta poka af mRNA-sprautuðu kjöti. Þess vegna reynum við að vaxa eins hratt og mögulegt er, svo við getum náð afli til að framleiða mikið magn. Við erum tiltölulega lítið fyrirtæki eins og er en við viljum auka framleiðsluna upp í tugþúsundir poka af nautakjöti fyrir árið 2024.“
Höldum sprautunum burtu frá nautgripum okkar
Þrýstingur bæði á gagnsæi og að koma í veg fyrir, að mRNA-sprautað nautakjöt fari á markaðinn, hefur mætt hindrunum. Í Missouri var frumvarp um lögskipaða merkingu á nautakjöti, sem sprautað er með mRNA bóluefni, stöðvað. Því miður hafa samtök nautgripabúa um allt land hunsað áhyggjur neytenda sem og framleiðenda. Flest ríkisbúskaparfélög þegja um málið eða eru á mála hjá lyfjarisunum. Nelson heldur áfram
„Markmið okkar hjá Whole Cows er að gefa fólki heilbrigt, náttúrulegt og ljúffengt prótein sem það getur borðað í dag eða geymt í áratugi. Við getum ekki staðið við það loforð, ef nautakjötið hefur verið mengað, þannig að við tökum öll nauðsynleg skref sem þarf til að halda sprautunum burtu frá nautgripunum okkar.“
mRNA hefur þegar verið dælt í svín í nokkur ár
Dr. Joseph Mercola, sem hefur verið mikill talsmaður náttúrulegra matvæla allan sinn feril, hefur hringt viðvörunarbjöllunni um hættuna á vaxandi ógn við matvælaframboð í Bandaríkjunum. Hann benti nýlega á:
„Þegar lengra verður haldið er afskaplega mikilvægt að fylgjast með því sem er að gerast með matvælin okkar. Margir urðu hissa að komast að því, að þegar hefur mRNA bóluefni verið sprautað í svín í nokkur ár. Bráðlega gætu nautgripir einnig fengið þessar sérhannaðar mRNA sprautur, sem gætu haft áhrif á bæði nautakjöt og mjólkurafurðir.“
Varar fólk við að borða kjötafurðir dýra sem sætt hafa mRNA genameðferð
„Í bili mæli ég eindregið með því að fólk forðist svínakjöt.… Vonandi munu nautgripabændur gera sér grein fyrir þeirri hættu sem framleiðslu þeirra stafar af áætlun um mRNA sprautur og hafna henni. Ef þeir gera það ekki, gæti það orðið talsverð áskorun að finna nautakjöt og mjólkurvörur sem ekki hafa verið genameðhöndluð.“
„Á endanum, ef við viljum vera frjáls – og ef við viljum fæðuöryggi og trygga fæðu, þá verðum við að einbeita okkur að því að byggja upp fjölbreytt kerfi sem tengir svæðasamfélögin við bændur sem rækta raunverulegan mat á sjálfbæran hátt og dreifa á svæðinu.“
Fólk mun ekki verða varað við þegar mRNA sprautað nautakjöt fer á markað
Nelson er þessu sammála og fyrirtæki hans vinnur eingöngu með svæðisbundnum búgarðseigendum í Texas. Ætlunin er að stækka til Utah eða Idaho þar sem líklegra er að nautgripir njóti verndar til lengri tíma en í Texas:
„Þegar iðnaðurinn byrjar að samþykkja mRNA sprautur fyrir nautgripi mun það gerast fljótt og fólk verður ekki varað við.“.
