Viktor Orbán, forsætisráðherra Ungverjalands, situr ekki auðum höndum heldur vinnur ötullega að friðarumleitunum fyrir Úkraínu. Hann heimsótti Donald J. Trump 45. forseta Bandaríkjanna á heimili hans í Mar-a-Lago, Flórída, s.l. fimmtudag. Augljóst er, að Orbán og Trump munu gera allt til að reyna að koma á friði í heiminum eins fljótt og auðið er.
Viktor Orbán skrifaði á X:
„Við héldum áfram friðarverkefninu í Mar-a-Lago. Donald Trump forseti sannreyndi á forsetatíma sínum að hann er maður friðar. Hann mun sýna það aftur!“
Friðarferðir Viktor Orbáns
Eftir að Ungverjaland tók við sex mánaða formennsku ESB 1. júlí, hefur Viktor Orbán, forsætisráðherra Ungverjalands, eytt tímanum að mestu leyti í viðræður til að koma á vopnahlé í Úkraínustríðinu svo hægt sé að hefja friðarumleitanir á þessu tilgangslausa stríði. Heimsótti Orbán fyrst Volodymyr Zelensky, forseta Úkraínu í Kænugarði 3. júlí, síðan forseta Rússlands, Vladimír Pútín, í Moskvu 5. júlí, sem samþykkti að leita eftir „fljótustu leiðinni að friði.“
Orbán hélt síðan ferðinni áfram til Shusha í Aserbaídsjan á fund tyrkneskra ríkja þann 6. júlí með Úsbekistan, Kirgisistan, Kasakstan, Tyrkland og Norður-Kýpur. Fundurinn fór fram í héraðinu Nagorno-Karabakh. Vonast var eftir að Recep Tayyip Erdoğan, Tyrklandsforseti yrði á fundinum en svo gerðist ekki. Í stað Erdoğan mætti Cevdet Yılmaz, varaforseti Tyrklands.
Orbán hélt síðan áfram ferðinni til Peking í Kína þar sem hann hitti formann kínverska kommúnistaflokksins, Xi Jinping, þann 8. júlí áður en hann hélt til Washington s.l. þriðjudag í tilefni 75 ára afmælis Nató dagana 9.-11. júlí.
Í Washington hittust þeir Orbán og Erdoğan en Erdoğan hefur talað lengi fyrir friði í Úkraínu. Nató-meðlimirnir Ungverjaland og Tyrkland halda diplómatískum tengslum við Moskvu.
Boris Johnson sendur til að eyðileggja friðarsamninginn
Ukrainskaya Pravda opinberaði í maí 2022, að Boris Johnson, forsætisráðherra Bretlands, var sendur til Kænugarðs 9. apríl 2022 til að eyðileggja Istanbúl-samkomulagið um frið sem Rússar og Úkraínumenn sömdu 29. mars 2022. Sú ferð Johnson heppnaðist og hið blóðuga stríð hélt áfram.
Á 75 ára afmælishátíðinni lýstu leiðtogar Nató því hátíðlega yfir, að Úkraína væri á „óafturkræfri leið til fulls Evró-Atlantshafssamruna, þar með talin aðild að Nató.“ Aðild Úkraínu að Nató, þýðir sjálfkrafa þriðju heimsstyrjöldina, þar sem Rússar eru þá komnir í stríð við Nató í stað Úkraínu.
Frá því í nóvember 2021 hefur hin óhæfa og að margra mati ólögmæta Biden-stjórn veifað Nató-aðild framan í Zelenskí ásamt 5. greininni sem skuldbindur Nató-ríki til að verja hvert annað ef til vopnaðrar árásar kemur.
Stríðsæsingamennirnir Biden og Blinken blekktu úkraínsku þjóðina
Stríðsbrjálæðingarnir Biden-Blinken hafa blekkt úkraínsku þjóðina til að fara í blóðugt stríð við kjarnorkuvopnaða Rússa sem kostað hefur um eina milljón manns lífið samkvæmt fullyrðingum frá Úkraínu og Rússlandi.
Viktor Orbán, forsætisráðherra Ungverjalands og Donald J. Trump, 45. forseti Bandaríkjanna eru einu vestrænu leiðtogarnir sem hafa kjark og heila til að takast á við djúpríkið-Nató í höndum stríðsherrana í Pentagon.
Í eftirminnilega ömurlegum kappræðum nýlega við fyrrverandi varaforseta Bandaríkjanna, Joseph Robinette Biden, lofaði Trump að hann myndi binda enda á Úkraínustríðið jafnvel áður en hann tekur við embætti þann 20. janúar 2025.
Hýenur ESB væla og heimta stríð – íslenskir valdhafar heilaþvegnir
Pótintátar Evrópusambandsins væla eins og hýenur yfir misstum bita ef friður kemst á í Úkraínu. ESB er orðið að stríðssambandi með það að markmiði að sigra Rússland í kjarnorkustríði og stykkja landið niður og stela ríkisdómum landsins, olíu og gasi. Hver þjóðarleiðtoginn kemur fram af öðrum í aðildarríkjum ESB og harmar friðinn og tilraunir í þá veru. Stríð er á dagskrá og miður að sjá valdhafa lítillar herlausrar þjóðar heilaþvegna af stríðsæsingnum.
