Írlandi er stjórnað af spilltustu og stærstu glóbalistum í heimi. Það fullyrðir Steve Bannon, fyrrum ráðgjafi Hvíta hússins undir stjórn Donald Trump, í viðtali við Tucker Carlson eftir að óeirðir gegn innflytjendum komu Írlandi í opna skjöldu (sjá myndskeið að neðan).
Það eru blikur á lofti á Írlandi. Að sögn Fox News reyna írsk stjórnvöld að koma á lögum gegn „hatursorðræðu“ í kjölfar óeirða sem hófust eftir að kona og þrjú börn voru stungin í grunnskóla í Dublin. Ódæðismaðurinn sem grunaður er um verknaðinn, er sagður vera alsírskur karlmaður á fimmtugsaldri.
Innflytjandi frá Alsír talinn vera stungumaður 5 ára barna
Þetta leiddi til óeirða með hundruðum þátttakenda gegn stefnu yfirvalda í innflytjendamálum. Elon Musk skrifar á X (sjá neðar) með vísun til myndskeiðs sem sýnir lögregluárás:
„Orðanna hljóðan sem lagt er til sem lög á Írlandi þýðir, að þetta gæti bókstaflega komið fyrir þig, vegna þess að þú ert með skilaboð (meme) í símanum þínum.“
Ný haturslög
Nate Hochman hjá National Review skrifar á X:
„Haturslögin sem Írland er að undirbúa til samþykktar eru að öllum líkindum róttækasta löggjöf sinnar tegundar sem sést hefur á Vesturlöndum. Þau glæpavæða vörslu efnis „sem er eða getur mögulega hvatt til ofbeldis eða haturs“ – bækur, myndbönd eða jafnvel skilaboð í símanum þínum“.
„Brjálaður hægriöfgasinnaður bófaflokkur“
Að sögn The Guardian hafa óeirðirnar „komið Írlandi í opna skjöldu.“ BBC greinir frá því, að samkvæmt lögreglustjóra Írlands stóð „brjálaður bófaflokkur knúinn áfram af hugmyndafræði hægriöfgasinna,“ fyrir óeirðunum í Dublin í síðustu viku. Steve Bannon segir:
„Írskir stjórnmálamenn eru lang mest keyptir af ESB. Þeir eru stærstu glóbalistarnir, þeir hafa selt út írska fullveldið og það má sjá eðlilegt bakslag. Það sést meðal verkafólks í borgunum. Írland er púðurtunna.“
Gerist út um allan hinn vestræna heim
En þetta gerist ekki aðeins á Írlandi, heldur um allan hinn vestræna heim, vegna fjöldainnflutnings fólks að sögn Bannon:
„Þjóðverjar, fólkið í Brussel, flokkurinn í Davos halda einfaldlega ekki, að hægt sé að ná tökum á evrópsku verkalýðsstéttinni. Þeir telja verkafólkið hættulegt. Svo þeir reyna að stjórna þeim á allan mögulegan hátt. Núna nota þeir innflytjendur. Írland er eitt versta dæmið og það er þess vegna sem landið er púðurtunna.“
Sjáðu viðtalið við Steve Bannon í heild sinni á myndskeiðinu hér að neðan:
