Fólk ætti að „hætta að kjósa sömu vitleysingana“ og komu okkur í þá stöðu sem við erum í í dag. Þýska ESB-þingkonan Christine Anderson sagði þetta í ræðu nýlega, að því er Blckbx greinir frá (sjá Youtube að neðan). Hún telur, að blekkingar glóbalistanna ættu að vera augljósar núna. Þeir sem stjórna Evrópu eru lygarar.
Þýska stjórnmálakonan Christine Anderson beinir enn og aftur harðri gagnrýni að valdaelítunni í Evrópu. Hún segir:
„Umfram allt verðið þið að hætta að trúa á framkvæmdastjórn ESB. Það er bæli helvítis! Það er sú háborg sem dreifir falsfréttum og villandi upplýsingum! Hættið að kjósa sömu vitleysingana og komu okkur hingað. Kjósum þá ekki aftur!“
Taka fé skattgreiðenda beint til alþjóða fyrirtækja
„Því þið hafið kannski tekið eftir því, að þeir sem reyndu að sannfæra ykkur um að þeir vissu allt um „þessa nýju veiru“ og hvernig eigi að berjast við hana, eru þeir sömu og eru núna að reyna að segja okkur að við munum öll deyja úr loftslagsbreytingum. Nei, við munum ekki gera það. Það er fáránlegt það sem þeir eru að gera. Þetta er bara enn eitt svindlið til að hnupla eins miklu fé af skattgreiðendum og hægt er – og dæla því enn og aftur inn í alþjóða fyrirtæki. Um það snýst þetta. Að auki vilja þeir taka af okkur hreyfanleika sem einstaklinga, þeir eru á eftir bílum okkar.“
Afnema lýðræðið og frelsi einstaklingsins
Að sögn Anderson leynist eitthvað allt annað á bak við það sem stjórnmálamenn í dag eru að framkvæma:
„Ekkert af því sem þeir segja, að við þurfum að gera til að bjarga plánetunni, mun í raun bjarga plánetunni! Þetta er fáránlegt! En það mun afnema frelsið, lýðræðið og réttarríkið. Svo í guðanna bænum hættið að kjósa sömu flokkana og sama fólkið. Þetta eru lygarar og það þarf að fara með þá burtu úr bænum!“
