Sálfræðiprófessorinn Jordan Peterson heldur uppi öflugu hlaðvarpi og er góður baráttumaður í alþjóðlegu baráttunni gegn glóbalistunum sem vilja eyðileggja möguleika mannkyns til lífs á plánetunni. Í nýjasta hlaðvarpinu tekur hann ásamt konu sinni Tammy Peterson viðtal við hinn kunna blaðamann og aðgerðasinna Tommy Robinson. Hlýða má á viðtalið á ensku á myndskeiði neðar á síðunni.
Viðtalið hefst á því, að Tommy Robinson lýsir dvöl sinni í fangelsinu í Kanada. Hann var handtekinn en sleppt með þeim skilyrðum að hann færi ekki frá Calgary. Tommy var með fullsetna dagskrá og segir að handtakan hafi verið liður í að koma í veg fyrir ræðuhöld í Kanada:
Tommy Robinson: Ég var í Montreol og fór þaðan til Calgary til að taka þátt í fyrirlestri og fundahöldum. Eftir fyrsta fundinn, þar sem ég gerði grein fyrir skoðunum mínum var ég handtekinn og færður án nokkurra sakargifta til yfirheyrslu innflytjendastofnunarinnar. Þar var mér tjáð, að ef ég samþykkti nokkur atriði myndu þeir sleppa mér. Ef ég samþykkti ekki skilmálana yrði ég settur á flug til Vancover og handtekinn við komuna þangað. Ég spurði að sjálfsögðu, hverjir skilmálarnir væru og þeir svöruðu: Að þú yfirgefur ekki Calgary og komir á lögreglustöðina þrisvar sinnum í hverri viku.
Jordan Peterson: Af hverju sögðu þeir þér nokkuð af hverju?
Tommy Robinson: Þeir komu í veg fyrir fund minn hjá Edmonton. Ég sagði þeim að uppselt væri á fundinn en þeir sögðu að ég gæti ekki farið þangað. Ég sagði þeim þá líka að ég ætti að halda ræðu í Toronto og þeir sögðu að ég gæti ekki farið þangað. Svo augljóslega voru þeir að hindra að ég gæti breitt út boðskap minn.
Tommy Robinson kemur víða við í viðtalinu og segir frá einstökum málum í Bretlandi sem hafa verið umtöluð vegna hins hömlulausa fólkinnflutnings sem bresk yfirvöld hafa kallað yfir landið. Robinson er tíðrætt um múslímska menningu og sharía lög sem ganga þvert gegn kristnum gildum og menningu vesturlanda og nefnir fjölda dæma máli sínu til stuðnings.
Viðtalið er yfirgripsmikið og ekki tök á að endursegja það á íslensku svo vonandi geta þeir sem skilja ensku notið viðtalsins hér að neðan:
