Bráðum gætu hatursglæpir á netinu til dæmis „hvatning til þjóðarmorðs“ leitt til lífstíðar fangelsis í Kanada. Hvað telst vera hatur er hins vegar óljóst. Nýtt frumvarp ríkisstjórnar Trudeau er harðlega gagnrýnt af íhaldsflokki landsins.
Kanadaþing mun senn greiða atkvæði um nýtt frumvarp til að takast á við hatur og móðgandi efni á netinu. Í tillögunni eru taldar upp refsingar á afbrotum eins og barnaklámi og einnig refsingar gegn „hatursglæpum.“
Dómsmálaráðherrann er skelfingu lostinn múslími gagnvart hættum á netinu
Að sögn dagblaðsins National Post þýða lögin, að sá sem „hvetur til þjóðarmorðs“ gæti verið dæmdur til lífstíðarfangelsis. Hámarksrefsing fyrir „hatursáróður á netinu“ verður einnig aukin.
Arif Virani, dómsmálaráðherra Kanada (sjá mynd t.v.) er einn af aðalmönnunum á bak við nýja frumvarpið. Hann er múslími og segir, að það hatur sem „viðgengst á netinu“ geri fólk róttækt. Virani segist „skelfingu lostinn varðandi þær hættur sem leynast á netinu.“
Hörð andstaða gegn frumvarpinu
Samkvæmt BBC gagnrýnir Íhaldsflokkur Kanada frumvarpið harðlega. Leiðtogi flokksins, Pierre Poilievre, segir að flokkur hans sé alfarið andvígur „pólitískri rétttrúnaðardagskrá Justin Trudeau.“ Poilievre segir ekki ljóst, hvað átt sé við með „hatursorðræðu“ en að mati forsætisráðherrans séu það „yfirlýsingar sem hann hatar.“
