Íslamistastjórnin í Íran er grunuð um að hafa skipulagt morð á gyðingum í Svíþjóð. Tveir íranskir njósnarar voru sendir til Svíþjóðar til að kortleggja fyrirhuguð fórnarlömb sem átti að myrða. Málið er algjört hneyksli fyrir eftirlit Svíþjóðar og enginn veit, hversu margir útsendir morðingjar alls kyns öfgahópa eru í landinu.
Í apríl 2021 var íranskt par handtekið á Stokkhólmssvæðinu grunað um að undirbúa hryðjuverkaglæp. Ríkissjónvarpið í Svíþjóð, SVT, greinir frá því að írönsku hjónin Mahdi Ramezani og Fereshteh Sanaeifarid hafi verið falið af Íslamska byltingarráðinu í Íran að kortleggja og skipuleggja morð á þremur fórnarlömbum í Svíþjóð.
Varð óttasleginn meðal annars vegna barnanna
Morðáætlanirnar beindust allar að gyðingum – þar á meðal Aron Verständig, sem er formaður Aðalráðs gyðinga í Svíþjóð. Aron Verständig segir við sænska ríkisútvarpið, SR:
„Þetta var mjög óhuggulegt. Ég varð áhyggjufullur. Sem foreldri lítilla barna finnst manni að maður hafi mjög mikla ábyrgð á öryggi barna sinna.“
Var vísað úr landi sem öryggisógn við sænska ríkið
Írönsku hjónin voru handtekin vegna sannarlegs gruns um hryðjuverkaáformin. En málið náði aldrei fram að ákæru, vegna þess að sænska ríkið létu morðingjahjónin laus gegn útvísun þeirra frá Svíþjóð aftur til baka Írans árið 2022. Hans Ihrmann saksóknari segir í viðtali við útvarpið:
„Þau voru búin að kortleggja fórnarlömbin. Þau voru í sambandi við Íran. En okkur tókst ekki að fá fram nauðsynleg sönnunargögn um hvernig átti að framkvæma aftökurnar sem voru forsenda þess að hægt væri að leggja fram ákæru.“
Komu á fölskum vegabréfum og lugu til nafns
Maðurinn vann á skóla og konan við heimilisþjónustu og bjuggu í úthverfi Stokkhólmsborgar. Þau létu ekki bera mikið á sér eftir að þau fengu hæli ár 2017 í Svíþjóð sem afganskir ríkisborgarar. En fljótlega kom í ljós að passarnir voru falskir og þau voru íranskir ríkisborgarar og hétu eitthvað allt annað. Vorið 2021 fór sænska leynilögreglan inn í íbúð þeirra eftir að hafa haft þau undir leynilegu eftirliti í lengri tíma. Þau voru talin ógna öryggi sænska ríkisins og Íran „tók á móti þeim með opnum örmum“ að sögn saksóknarans Hans Ihrman.
Enginn veit hversu margir með ljót markmið eins og þessi hjón eru í Svíþjóð og undirbúa glæpi sína. Þannig virkar það þegar landamærin eru galopin og án eftirlits.
