Kalli Snæ, réttu nafni Guðmundur Karl Snæbjörnsson, er mörgum Íslendingum (og fleirum) kunnur fyrir einarða afstöðu gegn harðstjórn og drottnun lyfjarisanna sem keypt hafa margan lækninn til að þegja um Covid bóluefnin. Kalli Snæ hefur hins vegar kosið að verja læknaheiður sinn með því að halda gefið heit um að vinna fyrir hag sjúklinganna. Á hann þakkir skyldar fyrir það og merkilegt að það skuli vera orðið svo sérstakt á okkar tímum, að þakka skuli fyrir það sérstaklega.
En þannig lítur raunveruleikinn út. Kalli Snæ var í viðtali í nýju netútvarpi hér og var mikill heiður að njóta nærveru hans með þeirri reynslu sem hann hefur og þeirri þrautseigju að berjast gegn ofurefli kerfis með orðin ein að vopni. En það eru ekki hvaða orð sem eru, heldur orð sannleikans sem glóbalistar reyna að þagga niður um allan heim.
„Útilokandi skilgreiningarvald“
Kalli Snæ tók sem dæmi, þegar yfirvöld kærðu hann og vildu fangelsa í allt að sex ár og báru það upp á hann, að hann væri að framleiða Ívermektín og dreifa lyfinu. Fékk hann þá að reyna flug flókinna útskýringa sem enduðu á orðunum „útskýrandi skilgreiningarvald.“ Með því er fremur verið að vísa til hefðar í dómssögu en beint til harðra laga nútímans eins og t.d. stjórnarskrárinnar. Kalli Snæ segir Ívermektín hafa verið anga af stærra neti, því aldrei hafi verið ætlunin að bjóða sjúkum upp á neina lyfjameðferð við Covid-19.
Kalli Snæ skrifaði nýverið grein í Morgunblaðið, sem var svar hans við grein Björns Bjarnasonar sem gerði lítið úr því, að nokkur ástæða væri til að ætla, að Alþjóðaheilbrigðismálastofnunin WHO væri að aðhafst nokkuð í líkingu við valdarán og að fullveldi Íslendinga væri í hættu. Samt hafa þegar nokkur ríki hafnað valdabrölti WHO einmitt á þeim forsendum. Kalli segir:
„Nýskipuð stjórn á Nýja Sjálandi pása WHO, Slóvakía, Slóvenía, Mexíko, 11 þingmenn í Eistlandi hafa öll hafnað valdboði WHO. Þetta er farsi. 11 ESB-þingmenn sendu Tedros Adhanom Ghebreyesus aðalritara WHO bréf með þeirri kröfu um að hann svaraði fyrir kl 1 þann 30 nóv. varðandi samþykktir WHO. Þeir sýna fram á að fyrri samþykktir WHO um valdatöku yfir heilbrigðismálum þjóðríkja voru ólöglegar. Ætlun WHO var að samþykktirnar verði lögbindandi fyrir aðildarríkin og WHO hætti að vera ráðgefandi og breytist í yfirstjórn heilbrigðismála hjá aðildarríkjunum.“
Björn Bjarnason ruglar saman faraldurssáttmálanum við alþjóða reglugerðir í heilbrigðismálum
Kalli grínast með nafn aðalritara WHO og segir, að eftirnafn aðalritarans Tetros Adhanom Ghebreyesus „megi bera fram sem Gervijesús, því það þýðir ég er jesús.“ Er það til marks um þá víðtæku gagnrýni sem Tetros hefur fengið einmitt fyrir að aðstoða glóbalista með menn eins og Bill Gates í fararbroddi. Kalli segir:
„Björn ruglar saman Faraldurssáttmálanum og alþjóðlegu regluverki um heilbrigðismál IHR. Hann á heiður skilið fyrir að hafa minnst á málið en áttar sig greinilega ekki á því, hvað er í gangi. WHO var með breytingar aðallega á gildistímasetningu og svo mörgu öðru. Þetta er orðið flókið mál og hefur eiginlega komið í þremur bylgjum. Til dæmis gerðu 47 Afríkuríki tilraunir WHO afturreka í eitt skiptið. En Alþjóðaheilbrigðisstofnunin er ekkert á því að fara að byrja á því að hlusta á fólk og heldur sífellt áfram. Þetta eru mjög alvarlegir hlutir sem eru í gangi hér. Að sjálfsögðu er um fullveldisafsal eða fullveldisframsal að ræða fyrir þau lönd sem samþykkja þessar breytingar.“
WHO er hertekið af lyfjaframleiðendum
„Rætt er um, að eingöngu sé verið að gera smá breytingar. En hér er um gjörbyltingu á fyrri samningum að ræða. Nýju lögin verða æðri stjórnarskrám 194 landa og því augljóst, að ekki er um neitt smámál að ræða. Það útskýrir að sjálfsögðu, hvers vegna trúnaðartraust fólks við WHO er rofið. Ég er með í Alþjóða heilbrigðisráði með læknum hvaðanæva í heiminum. Það er stofnun sem er eins og Alþjóðaheilbrigðismálastofnunin átti að virka. Spillingin og svindlið sem WHO hefur staðið fyrir síðustu árin er yfirþyrmandi. Ég skil ekki af hverju ég þurfti ekki að fá ógleðilyf við þessu öllu saman. WHO hefur verið hertekið af lyfjaframleiðendum og aðilum sem eru að fara allt aðra leið heldur en hentar þjóðum heims.“
Stærsta hneykslið í sögu Nóbelsverðlaunanna
Kalli Snæ gagnrýnir úthlutun Nóbelsverðlaun í læknisfræði í ár til doktor Katalin Karikó och doktor Drew Weissman. Hann segir þetta vera eitt stærsta hneyksli í sögu Nóbelsnefndarinnar:
„Þau fá Nóbelsverðlaunin fyrir að hafa skeytt saman „spike“ broddum við svo kallaða veiru, sem raskar öllu ónæmiskerfinu og hefur valdið 17 milljónum andláta eftir bólusetningarnar. Þetta á ekkert skylt við mRNA tæknina sem doktor Robert Malone þróaði fram. Hann á 9 einkaleyfi og það hefði verið nær að hann fengi verðlaunin. Það er þessi eitur „spike“ sem veldur öllum þessum sjúkdómum. Verið er að sprauta fólk með efni sem veldur því að það fær endurtekið covid ofan á covid ofan á covid. Þetta er orðið svo yfirdrifið með allar þessar sprautur að farið er að tala um neikvæða vernd, sem er það sama og alnæmi. Stjórnmálamenn og jafnvel fólk innan heilbrigðiskerfisins sem lýtur stjórnsýslunni hlustar ekki lengur á vísindin. Það er verið að taka okkur aftan frá.“
Hlusta má á allt viðtalið hér að neðan og einnig á nýja netútvarpinu sem verður sett á framsíðuna hér innan skamms.
