Spítalinn í Nyköping hefur verið kærður til umboðsmanns mismununar. Ástæðan er sú að kona – sem var á fæðingardeildinni til að fæða barn – var kölluð „móðir“ af starfsfólkinu. Hún hafði áður tekið skýrt fram, að hún vildi vera kölluð „hann.“
Kærði spítalann til umboðsmann mismununar
Undarleg kæra hefur borist umboðsmanni mismununar „Diskrimineringsombudsmannen, DO.“ Kona sem er „transmaður“ fór á sjúkrahús til að fæða barn. Tók hún það skýrt fram, að hún vildi láta kalla sig „karl“ við fæðingu barnsins.
Starfsfólk fæðingardeildarinnar er hins vegar sagt hafa ítrekað kallað konuna „móðir“ sem hún brást illa við. Í kærunni má lesa, að konan hafi skrifað í fæðingarvottorðið að hún sé í raun karlmaður. Hún benti einnig á mikilvægi þess að vera ávörpuð sem „hann“ þegar við innskráningu á fæðingardeildina.
Kæran fyrir að hafa orðið fyrir barðinu á þessum „mismuni kynjanna“ fer víða á samfélagsmiðlum og er málinu öllu lýst sem „fáránlegu.“ Sænska útvarpið greinir frá kærunni og gætir sín vel að kalla móðurina fyrir „hann“ til að kalla ekki yfir sig reiði pólitískra rétttrúaðra. Ekki er enn ljóst hvernig fæðingardeild sjúkrahússins í Nyköping bregst við kærunni.
