Það er ótrúlegt að hlusta á viðtal Tucker Carlson (sjá að neðan) við Mike Benz hjá foundationforfreedomonline.com um þróun síðustu ára í öryggisvörslu Bandaríkjanna og þeirra sem hafa völdin á bak við tjöldin. Mike Benz er fv. starfsmaður bandaríska utanríkisráðuneytisins. Hann dældi úr sér þvílíku magni upplýsinga í þessu rúmlega klukkutíma viðtali við Tucker Carlson að það tekur tíma að vinna úr þeim öllum. Hér er því eingöngu um fyrstu kynningu að ræða. Upplýsingarnar varða að mestu leyti það sem við köllum daglega „djúpríkið“ í Bandaríkjunum. Þetta viðtal verða allir að sjá, sem láta sér annt um lýðræði og frelsi. Þar koma fram skýrar staðreyndir sem hjálpa til við að skýra heildarmyndina um það sem er að gerast í heiminum í dag.
Mike Benz rekur í þessu viðtali, hvernig djúpríkið á bak við þjóðaröryggið er helsti drifkrafturinn á bak við ritskoðun og kosningaáhrif í Bandaríkjunum.
Kosningaíhlutun CIA erlendis færð yfir í kosningaíhlutun innanlands
Ræddi Benz um að í gangi sé nokkurs konar ókjörin herstjórn sem stjórni hvað má segja á Internet, hefur sameinað kosningaíhlutun CIA erlendis við kosningaíhlutun innanlands. Viðtalið hefst á því að Carlson leggur áherslu á mikilvægi málfrelsis í Bandaríkjunum og hvernig þessi grundvallarréttur er í hraðri niðurleið með ritskoðun. Benz, sem áður starfaði hjá bandaríska utanríkisráðuneytinu, fjallar um hvernig nútíma ritskoðunin er knúin áfram andstöðu gegn „falsupplýsingum og rangfærslum.“ Hann útskýrir að bandaríkjastjórn sé í samstarfi við einkastofnanir, hugveitur ásamt neti leynistofnana og vinni meðal annars í samstarfi við ESB við að nota ritskoðun til að ná markmiðum sínum fram. Telur Benz ESB vera arm Nató.
Upplýsingastríð hluti af nútíma hernaði
Benz útskýrir hvernig varnariðnaðurinn og utanríkismálastofnunin í Washington notar ritskoðun sem tæki til að móta almenningsálitið og stjórna upplýsingum, sérstaklega í ljósi alþjóðlegs stríðsundirbúnings. Hann lýsir því hvernig netfrelsi breyttist í ritskoðun á netinu. Áður fyrr studdu bandaríska varnarmálaráðuneytið, utanríkisráðuneytið og leyniþjónustustofnanir tjáningarfrelsi á netinu til að styðja andófshópa um allan heim. Núna eru slíkar raddir ritskoðaðar „til að vernda þjóðarhagsmuni og berjast gegn rússneskum áróðri.“
Vissu niðurstöðu kosninganna 2020 sjö mánuðum áður en þær voru haldnar
Í viðtalinu kemur m.a. fram, hvernig tæknifyrirtæki eins og Google hafa átt í samstarfi við bandaríska herinn og leyniþjónustuna og hvernig þessi kraftur hefur breyst í gegnum tíðina frá því að styðja málfrelsi yfir í að taka virkan þátt í ritskoðun og upplýsingaeftirliti. Með nýjum miðsvæðum samtökum hefur lýðræðið verið endurskilgreint sem samningur á milli stjórnvalda, hrægammasjóða og alþjóðlegra risafyrirtækja. Skilgreining stjórnarskrár Bandaríkjanna og margra annarra ríkja er settur í myrkrið en nýja skilgreiningin hefur tekið yfir. Benz segir að kosningarnar 2020 hafi verið stjórnað með svo miklum fyrirvara að úrslitin voru kunn hjá þessum aðilum heilum 7 mánuðum áður en þær voru haldnar!
Vilja fá burtu málfrelsi og mannréttindi úr stjórnarskránni
Benz dregur upp mynd af fasískri elítu sem samanstendur af herforingjum, CIA, Nató m.fl. sem er að baki miklu af þeim atburðum sem núna eiga sér stað í heiminum. Grundvallast það m.a. á djúpstæðri og kerfisbundinni viðleitni Bandaríkjastjórnar og bandamanna þeirra til að stjórna upplýsingaflæði og takmarka tjáningarfrelsi. Til að mynda vilja þessir aðilar að fyrstu viðbót stjórnarskrá Bandaríkjanna um málfrelsi og mannréttindi verði afnumin.
Hlýða má á viðtalið hér að neðan:
