Að hlýða á Joe Biden halda stefnuræðu forsetans í nótt að íslenskum tíma, var að sjá annan mann en þann sem dettur um koll í öðru hverju skrefi, týnir sjálfum sér í blaðsíðuflettingum og skjátextalesningu. Biden tókst að halda sér á fótunum og hafði líklega æft ræðu sína mjög vel fyrir flutninginn á fullsettu Bandaríkjaþingi, því honum tókst án án þess að festast í orðaflækjum að koma orðunum frá sér í þetta sinn.
En hvílík ræða! Séu orðin borin saman við raunveruleikann er um eitt mesta lýðskrum að ræða sem heyrst hefur í ræðupúlti Bandaríkjaþings í sögunni. Varla eitt korn sannleika fylgdi með í orðavaðlinum sem minnir á annan lýðskrumssnilling, Olof Palme, fv. forsætisráðherra Svíþjóðar. Kannski verður samanburðurinn réttlátari sé borið saman við Trotský eða jafnvel Lenín sjálfan sem kunnu skrumtækni lyginnar á aðfinnslulausan hátt.
Sundrungin var augljós á þinginu. Annars vegar stríðsóður forseti sem ekkert vill meira en að ráðast á Rússland og Pútín, umkringdur flokkssystkinum sem héldu ekki vatni í hrifningu sinni og hins vegar þögla repúblikana sem hengdu haus mestan tímann. Aðeins í seinni hálfleik byrjuð einstakir þeirra að mótmæla lygunum sem streymdu úr ræðupúltinu.
Ein af stóru lygunum sem forsetinn hrópaði við glimrandi lófaklapp fylgishjarðarinnar var:
„Úkraína mun sigra Rússland!“
Úkraína hefur þegar tapað í stríði sem var fyrir fram vonlaust vegna aðgerða CIA, vopnaframleiðenda og nýnasista í landinu. Keyptir stjórnmálamenn demókrata lofuðu Úkraínustjórn fullum stuðningi til „sigurs“ sem hundruðum þúsundum líka síðar og eyðilagðrar þjóðar er fullkomið tap. Biden hefur fært allan heiminn nær kjarnorkustríði en nokkrum hefur tekist áður og er fyrir löngu kominn fram úr Krúsjóv í Kúbudeilunni, þegar Kennedy stuggaði rússneskum eldflaugasmiðum frá Kúbu. Þegar Hitler réðst í hernaðaraðgerðinni Barbarossa á Rússland þann 22. júní 1941 vantaði ekki útskýringarnar á þeirri vegferð sem eru í engu frábrugðnar útskýringum glóbalistanna á nauðsyn þess að ráðast á Rússland í dag:
„Frelsisstríðið mikla!“
Glóbalistunum og vopnaframleiðendum þeirra og öllum öðrum sem græða fé á að breyta fólki í lík hefur tekist að sannfæra veika stjórnmálamenn í mörgum vestrænum ríkjum að árás á Rússland sé nauðsynleg til að verja frelsið og lýðræðið:
„Stríð Úkraínu er stríð allra annarra á Vesturlöndum fyrir frelsi og lýðræði. Pútín mun ekki láta sér nægja Úkraínu heldur mun hann ráðast á og hertaka alla Evrópu í kjölfarið.“
Það þarf hernaðarsérfræðing á borð við Douglas MacGregor til að spyrja þeirrar einföldu spurningar, af hverju Pútín sé ekki fyrir löngu búinn að því, ef hann hefði slík markmið?
Skælbrosandi sænskur forsætisráðherra til sýnis á þinginu
Biden lagði stríðstóninn þegar í upphafi, þegar hann lofsöng stækkun Nató með Finnlandi í fyrra og Svíþjóð sama dag og stefnuræðan var flutt. Skælbrosandi forsætisráðherra Svíþjóðar ruglaður af smjaðri og flaðri demókrata var eins og fermingarstúlka til sýnis á palli þingsins. Að fá þingheim Bandaríkjanna til að klappa fyrir sér var sennilega meira en Ulf Christerson gat látið sig dreyma um.
Greinilega er mikilvægast fyrir Bandaríkjastjórn að halda áfram þjófnaði úr ríkiskistunni til að borga fyrir ný drápstól og þvo afganginn í peningaþvottavél Úkraínu. Nató sem ákvað 2008 að Úkraínu forspurðri að landið skyldi tekið með í bandalagið varpar ljósi á þau sömu markmið og sett voru fram af herforingjum Hitlers í Barbarossa innrásinni: „Vernda frelsi Vesturlanda!“ Með þátttöku Svía og Finna í Nató er búið að leggja grunninn að þriðju heimsstyrjöldinni og vígvöllurinn verður Eystrasalt og Norðurlöndin. Allar áætlanir tilbúnar, verið að æfa og liðka allar birgðasendingar að vestan yfir haf og til Svíþjóðar. Svíar mega engan tíma missa að endurbæta járnbrautarkerfið og umbylta friðsællu landi til 200 ára yfir í drápsskipulag í komandi stríði við Rússa.
Þriðja heimsstyrjöldin er markmið glóbalismans
Ekki verður rætt meira í þessari grein að sinni um innihald ræðu forseta Bandaríkjanna sem sendir svartamyrkur yfir heimsbyggðina og friðarvonir mannkyns. En rifja má upp boðskap hugveitu Nató, Atlantic Council, áður en rússneski herinn fór inn í Úkraínu 2022. Undir fyrirsögninni: „Washington verður að undirbúa stríð bæði við Rússland og Kína“ var eftirfarandi stefna lögð sem núverandi Bandaríkjastjórn er að koma í verkið. Matthew Kroening, ráðgjafi margra forseta Bandaríkjanna í öryggismálum, skrifar:
„Í fyrsta lagi ætti Washington að auka útgjöld til varnarmála. Andstætt þeim, sem halda því fram að takmarkaðar auðlindir muni knýja fram erfiðar ákvarðanir, hafa Bandaríkin efni á að sigra samtímis Rússland og Kína…..Í stuttu máli, jafnvel þótt þetta nýja stefnumótandi vígbúnaðarkapphlaup séu tveir á móti einum, þá er líklegt að Washington sigri.“
Fjandinn er laus.
