Margir valdhafar í hinum vestræna heimi vinna ötullega að því að setja róttæk lög um kynleiðréttingu barna. Núna hafa ný slík lög í Kaliforníu gengið fram af athafnamanninum Elon Musk og hann skrifar á X að hann muni flytja aðalskrifstofur SpaceX til Texas.
Undanfarna mánuði hafa mörg lönd innleitt umdeild og harðlega gagnrýnd lög til að auðvelda „kynleiðréttingu barna.“ Þannig samþykkti til dæmis sænska þingið lög sem heimila 16 ára börnum að skipta löglega um kyn. Stuttu síðar voru sett lög í Þýskalandi sem heimila börnum allt niður í 14 ára aldur að gangast undir kynleiðréttingu einu sinni á ári. Börn yngri en 14 ára þurfa samþykki forráðamanns.
Ríkið afnemur rétt foreldra til að vernda börnin
Nýlega tóku gildi lög í Kaliforníuríki í Bandaríkjunum sem banna starfsfólki skóla að láta foreldrana vita um það, ef barn þeirra telur sig vera eitthvað annað kyn en það er. Samtímis verður kennurum ekki refsað fyrir að hvetja börnin til að skipta um kyn.
Þetta hefur verið harðlega gagnrýnt þar sem hér eru foreldrar og umráðaréttur þeirra yfir börnum sínum fótum troðinn. Með því að lögleiða „leynisamband“ barns og kennara er hlutverk foreldra sniðgengið og þau geta ekki lengur tekið þátt á uppvexti barna sinna á eðlilegan hátt. Ríkið tekur réttinn af foreldrunum að vernda börn sín og telur sig æðra sambandi móður og föður við sitt eigið barn.
Dropinn sem fyllti mælinn
Einn sem bregst hart við þessu er Elon Musk, eigandi samfélagsmiðilsins X og geimfyrirtækisins SpaceX. Í færslu á X (sjá að neðan) tilkynnir hann að þetta sé „dropinn sem fylli mælinn.“ Hann skrifar að með nýju lögunum og einnig öðrum sem voru sett áður sé verið að „ráðast bæði á fjölskyldur og fyrirtæki.“
Af þeim sökum hefur hann ákveðið að flytja starfsemi SpaceX frá Kaliforníu. Aðalskrifstofur fyrirtækisins verða fluttar frá Hawthorne í Kaliforníu til Starbase í Texas fylki.
Musk segir einnig frá því, að hann hafi fyrir ári síðan varað Gavin Newson, ríkisstjóra Kaliforníu, við því að slík lög myndu leiða til þess að bæði fjölskyldur og fyrirtæki flyttu frá Kaliforníu til að vernda börn sín.
Margir notendur á X fagna ákvörðun Musk og segja hann sýna „sanna forystu.“
