Núllmarkmiðið sem stjórnmálamenn segja að allir verða að fylgja – „annars verði heimsendir“ – er ekkert annað en hreinn glæpur gegn mannkyni sem grundvallast á „hreinni illsku.“
Fyrr í ár var hollenski réttarheimspekingurinn Eva Vlaardingerbroek í viðtali hjá Jordan Peterson (sjá að neðan). Vert er að rifja upp orð þeirra, þegar „grænu umskiptin“ hafa sýnt sig vera ekkert annað en skipulögð árás á kapítalisma Vesturlanda til að eyðileggja efnahagskerfið í þeim hluta heims.
Hrein mannvonska sem leiðir til fátæktar og svelts almennings
Bæði sálfræðiprófessorinn Jordan B Peterson og lagaheimspekingurinn Eva Vlaardingerbroek fullyrða, að núll-markmiðið sé glæpur gegn mannkyni sem muni leiða til fátæktar og hungurs. Eva Vlaardingerbroek segir:
„Já, það er glæpsamlegt. Það er óréttlæti af verstu gerð ef ríkisstjórnin, þeir sem eiga að vera fulltrúar okkar og eru að tala um „lýðræðið, frjálslynda lýðræðið“ og allt það, – snúa baki gegn eigin þjóð. Ekki aðeins snúa við bakinu, heldur ganga gegn hagsmunum þjóðarinnar og gera almenning fátækan og svelta. Ég sé hreina mannvonsku á bak við þessar aðgerðir. Það er ekki bara vanhæfni.“
Afleiðingar gjörðanna segir til um markmiðin
Svo hvers vegna gera stjórnmálamenn það? Vlaardingerbroek bendir á:
„Ég held að það hafi verið Carl Jung sem sagði, að ef þú skilur ekki gjörðir einhvers, þá verður þú að skoða afleiðingarnar og finna út ástæðuna. Það er það sem ég hef gert við þetta allt. Ef afleiðingar stefnu þeirra eru þær að við verðum fátækari – við, ekki þeir – þá verðum við háðari þeim. Við munum í rauninni svelta ef þetta verður að veruleika. Ef það eru afleiðingarnar, þá er það augljóslega markmiðið.“
Hér að neðan má sjá klippu úr viðtalinu og þar fyrir neðan umræðuþáttinn í heild sinni:
