Glæpasamtök frá Svíþjóð skapa þvílíka skelfingu í Norður-Noregi, að norska lögreglan telur þau vera helstu ógn á öllu svæðinu. Yngve Myrvoll, fulltrúi lögreglunnar, sagði á blaðamannafundi:
„Við teljum sænska glæpahópa vera mestu glæpaógnina í lögregluumdæmi Troms. Við sjáum umfangsmikil viðskipti með fíkniefni og einnig fjármálasvindl, þar sem mikið er af peningum.“
Töluvert er um, að ungt fólk í Noregi hefur verið ráðið í „sænsku“ klíkurnar og lögreglan mun leggja mikla áherslu á að koma í veg fyrir slíkar ráðningar. Myrvoll segir:
„Við höfum dæmi um ungt fólk á staðnum sem hefur stigið skrefið frá glæpastarfsemi ungmenna yfir í að vera í miklum tengslum við miðlæga aðila í sænsku glæpasamtökunum.“
Það er umfram allt „Foxtrot“ og „Gottsunda“ klíkurnar, sem báðar hafa aðsetur í Uppsölum, sem hafa haslað sér völl í Norður-Noregi og sýslunni Troms með aðeins 170.000 íbúa.
Vilja stöðva glæpahópana
Á vordögum voru átta manns handteknir og lögreglan lagði hald á fíkniefni, reiðufé og skotvopn. Myrwoll heldur áfram:
„Mikið magn af reiðufé er flutt frá Troms til Svíþjóðar og Óslóar. Í hina áttina eru fíkniefni flutt yfir landamærin. Metnaður okkar er að stöðva klíkurnar í Tromssýslu. Við viljum koma í veg fyrir að verið sé að ráða ungt fólk, það er mjög mikilvægt. Við verðum að halda áfram að tryggja, að fólk í Troms sé öruggt, það er meginmarkmiðið.“
