Samtök sænskra smáfyrirtækja hafa tekið saman skýrslu (sjá pdf að neðan) þar sem fram kemur, að meðlimirnir greiða 185 milljarða sænskra króna (= 2.433 milljarðar ísl. kr.) meira í atvinnurekendagjöld en sambærileg fyrirtæki í öðrum ríkjum ESB.
Í flestum atvinnugreinum greiða sænsk fyrirtæki umtalsvert meira til ríkisins í atvinnurekendagjöld en fyrirtæki í öllum öðrum ríkjum ESB. Smáfyrirtækjasamtökin benda á að gjöldin hamli samkeppnishæfni fyrirtækjanna á sameiginlegum markaði sem telja verður óeðlilegt.
Á myndinni að neðan eru atvinnurekendagjöld sænskra smáfyrirtækja í ýmsum atvinnugreinum borin saman við meðaltal smáfyrirtækja í 27 ESB-löndum sem sést á ljósbláu stöplunum.
Smáfyrirtækjasamtökin segja að lækkun atvinnurekendagjalda í Svíþjóð myndi skapa sanngjarnari samkeppnisgrundvöll útflutningsfyrirtækja í Svíþjóð, sem selja á Evrópumarkaði og auk þess styrkja fjárhag fyrirtækjanna, örva frumkvöðulsstarf og skapa ný störf.
Lesa má skýrsluna á sænsku hér að neðan:
