Matthias Chang heldur úti miðlinum „Future Fast Forward.“ Árið 2017 skrifaði hann grein undir fyrirsögninni „Soros herðir tökin á vinstra liðinu í Evrópu.“ Í greininni fer hann yfir aðgerðir Soros til að skapa ringulreið í Evrópu og bendir á fjölda einstaklinga, stjórnmálaflokka og samtaka sem vinna með Soros að því verkefni. Chang skrifaði þá:
„Annað verkefni Soros Open Society Institute (OSI) er Pírataflokkurinn, sem er vaxandi stjórnmálaafl á Íslandi og í Þýskalandi. Pírataflokkurinn á Íslandi sem berst gegn kerfinu er núna þriðji stærsti flokkur landsins og styður inngöngu landsins í ESB.“
Með greininni fylgdi mynd af helstu gæðingum Soros á vinstri kantinum í Evrópu: Alexis Tsipras, Grikklandi, Beppe Grillo, Ítalíu, Pablo Iglesias, Spáni, Pírataflokkurinn, Íslandi, Martin Schulz, Þýskalandi, Guy Verhofstadt, Belgíu og Zoran Zaev Macedonia.
Panamaskjölin voru aðgerð að undirlagi Soros
Chang greinir frá því, að vaxandi fjöldi evrópskra kjósenda snúi sér frá sósíaldemókrataflokkum undir stjórn fyrirtækjasamsteypa og margir leiti skjóls til vinstri. Rekur Chang stjórnmálaátökin í Grikklandi og aðgerðir Soros til að tryggja brunaútsölu stjórnmálamanna á eigum landsmanna. Chang lýsir einnig hvernig Soros var að baki kjöri Guy Verhofstadt sem aðalsamningamanns ESB vegna Brexit til að hefna sín á Bretum og gera þeim lífið eins ömurlegt og hægt væri í útgöngunni.
Brúðustrengir Soros ná einnig til annarra „valkosta“ vinstrisinnaðra samtaka í Evrópu, þar á meðal PODEMOS á Spáni, annars stærsta flokks Spánar og leiðtoga hans, Pablo Iglesias. Annað verkefni Opinna samfélaga Soros er Pírataflokkurinn, sem er vaxandi stjórnmálaafl á Íslandi og í Þýskalandi skrifar.
Allir muna eftir, þegar árás var gerð á lýðveldið Ísland í vel undirbúinni árásarherferð Soros undir nafninu Panamaskjölin með aðstoð sænska sjónvarpsþáttarins „Uppdrag Granskning“ og Jóhannesar Kr. Kristinssonar hjá Reykjavik Media. Sænsku blaðamennirnir gortuðu í marga mánuði á eftir að hafa átt þátt í því að bola „hinum spillta forsætisráðherra“ Sigmundi Davíð Gunnlaugssyni úr embætti.
Höfuðmarkmið aðgerðarinnar var að stöðva eða breyta atkvæðagreiðslu um Brexit í Bretlandi sem mistókst. Sigmundur Davíð kom oft fram í breskum fjölmiðlum sem stuðningsmaður Brexit og á Íslandi var hann fjötur um fót hrægamma sem vildu sölsa undir sig peninga Íslendinga í Icesave-deilunni.
Innflutningur múslíma til Evrópu að hætti Soros
Fyrrverandi forsætisráðherra Makedóníu, Nikola Gruevski, lýsti aðferðum Soros með lituðum „byltingum“ til að ná fram markmiðum sínum. Hann sagði í viðtali við makedónska dagblaðið „Republika“ um pólitíska umrótið í landinu vegna undirróðursstarfsemi Soros:
„Auk áframhaldandi starfsemi sem stofnun hans skipuleggur, í gegnum fjölmiðla og frjáls félagasamtök sem hann fjármagnar í Makedóníu, í gegnum hina svokölluðu lituðu byltingu, þá er skilningur okkar sá að Soros hafi persónulega tekið mikinn þátt í að skapa kreppuna í Makedóníu ……. Við erum ekki fyrsta landið þar sem slík aðgerð er hafin.“
Ummæli Gruevski eru í takt við ummæli Vladimírs Pútíns Rússlandsforseta og Sergei Lavrov utanríkisráðherra Rússlands sem og Viktors Orbans forsætisráðherra Ungverjalands og Viktors Janúkóvítsj, fyrrverandi forseta Úkraínu, um aðgerðir Soros sem hafa beinst að löndum þeirra. Til dæmis hvatti borgarstjóri lettnesku borgarinnar Ventspils, Aivars Lembergs, meðlimur Sambands græningja og bænda, til þess að Soros yrði bannað að koma til Lettlands og að öllum „Soros-tengdum samtökum“ í landinu yrði lokað.
Trójuhestar Soros í mörgum ríkjum Vesturlanda
Soros er með trójuhesta sína á í öðrum löndum sem kunna að kjósa ríkisstjórnir sem eru andvígar ESB. Eitt er Þýskaland, þar sem Valkostur fyrir Þýskaland (AfD) er að orðinn einn stærsti flokkurinn í kjölfar þess fjöldaflutnings múslima sem Soros kynnti undir til landsins frá Miðausturlöndum, Asíu og Afríku. Flestir Soros „vinstrisinnar“ í Þýskalandi finnast í Vinstri (Die Linke) og Græna flokknum. Soros er einnig bakhjarl margra „jafnaðarmanna“ í heiminum.
Til að stemma stigu við gagnrýni á íhlutun Soros í stjórnmálamálin ásaka stuðningsmenn Soros andstæðinga Soros um að vera „samsæriskenningasmiðir gegn George Soros“ og hafa birt síðu með þeim titli á Wikipedia.
