Í Bandaríkjunum er sterk andstaða foreldra gegn klámvæðingu skólakerfisins, samfélagsins alls og sérstaklega samfélagsmiðla eins og Tiktok, Facebook, Instagram m.fl. Núna hefur verið gerð mynd um málið, Robby Starbuck og Landon Starbuck sýna hvernig börn eru heilaþvegin og rugluð með klámi og hvernig barnaníðingar og óþverraperrar notfæra sér tækni nútímans til að lokka börn í gildrur. Menn skulu ekki halda, að barnaþrælkun, kaup og sala á börnum sem kynlífs- og vinnuþrælum tilheyri sögunni. Þvert á móti versnar ástandið dag frá degi sem krefst þess, að foreldrar taki höndum saman og fari í stríð gegn þeim sem leiða þessa óheillavænlegu þróun. Það ríkir stríð gegn börnum í heimi okkar og fremstir í fylkingu eru stofnanir sem okkur hefur verið kennt frá blautu barnsbeini að bera virðingu fyrir eins og Alþjóðaheilbrigðismálastofnunin og Sameinuðu þjóðirnar sem vilja lækka kynlífsaldur, afglæpavæða barnaníð og menga heila barnanna okkar með klámi frá fæðingu.
Á síðunni freedomforever.us eru reglulega birtar fréttir af þessari dökku hlið nútíma mannlífs. Nokkur dæmi um fréttir eru fyrirsagnir eins „Innflytjendur gætu nauðgað vegna „valdleysis, gremju og reiði,“ – „Unglingar nota gervigreind til að búa til klámmyndir af kvenkyns bekkjarsystkinum,“ – „Uppgötvuðu misnotkun í kerfinu sem bregst börnum og fjölskyldum þeirra,“ – „Gögn um kynferðisofbeldi á fylgdarlausum börnum við landamæri,“ – „Meta notar forritaða gervigreind til að spjalla við börnin þín,“ – „Barnaþrælkun möguleg vegna opinna landamæra Bidens,“ – „Nei, kynlífssmygl er ekki samsæriskenning“ og svo framvegis.
Robert Starbuck skrifar á X (sjá að neðan):
„Í dag sköpum við sögu @X með frumsýningu myndar okkar „Stríðið gegn börnunum.“ Horfðu á kynninguna og hjálpaðu okkur síðan að sanna, að kvikmyndagerðarmenn þurfi ekki á rétttrúnaðar – kvikmyndaverum að halda til að ná árangri. Gerast má áskrifandi og horfa á myndina í heild sinni.“
Um hvað fjallar myndin?
„Það er stríð núna gegn börnunum okkar. Aðgerðarsinnar yst til vinstri munu alls ekki hætta við að innræta börnin kynferðislega, fylla þau sektarkennd og refsa þeim þar til þau falla fyrir rétttrúnaði þeirra. Allt of lengi hafa atriðin ekki verið tengd saman sem afhjúpar stríðsáætlun þeirra. Þessi mynd afhjúpar ALLT.“
„Stríðið gegn börnunum er hin algjöra @X kvikmynd. Margt af fólkinu og sögunum sem sýndar eru mátti finna á 𝕏. Margir áttu á hættu að reikningum þeirra væri lokað (og fleira) fyrir að afhjúpa þetta stríð á börnunum okkar en núna á @elonmusk samfélagsmiðilinn og hann er meira að segja áskrifandi minn og hefur aðgang að myndinni okkar. Komdu um borð og sköpum söguna saman.“
„Takk aftur @ElonMusk fyrir að gera @X aftur að stað, þar sem sannleikurinn fær að lifa og fólk getur átt málefnalegar rökræður á ný. Án aðgerða þinna væri þessi mynd ekki frumsýnd hér í dag. Kærar þakkir til allra sem unnu að gerð myndarinnar.“
Hér að neðan eru skrif Robby Starbuck á X, viðtal við hann á youtube og þar fyrir neðan kynning á myndinni Stríðið gegn börnunum:
