Í nýrri hugaðri heimildarmynd sem ber titilinn „Skerum höfuðið af eiturnöðrunni“ skyggnast Pascal Najadi, fyrrverandi svissneskur bankastjóri og doktor Astrid Stuckelberger, heilbrigðissérfræðingur frá Genf, í myrkrið sem er á bak við tjöldin hjá alþjóðlegum stofnunum með höfuðstöðvar í hinni kyrrlátu borg Genf í Sviss. Sjá X neðar á síðunni með myndbút úr myndinni.
Pascal Najadi er svissneskur viðskiptabankamaður á eftirlaunum sem hafði það hlutverk að ráðleggja löndum og þjóðhöfðingjum um fjármálastefnu landsins.
Kærði forsetann fyrir falsupplýsingar varðandi Covid-bóluefnin
Najadi bar ábyrgð á afsögn svissneska sósíaldemókratíska forsetans eftir að hann höfðaði sakamál við hæstarétt Sviss gegn Alain Berset. Hann sakaði Berset um að gefa rangar yfirlýsingar um virkni Covid-19 bóluefnanna.
Najadi er sonur hins látna Hussain Najadi sem var myrtur árið 2013 og var meðstofnandi World Economic Forum, WEF. Najadi opinberaði fyrirlitningu föður síns á WEF, sem leiddi til brotthvarfs hans frá samtökunum snemma á níunda áratugnum og skildi Klaus Schwab eftir við stjórnvölinn. Nijadi sagði:
„Allt illt í heiminum sem tengist morðum yfirvalda (democide) kemur því miður frá Genf. Við höfum WHO í Genf, við erum með GAVI, svo höfum við WEF (World Economic Forum), sem nýtur diplómatískrar friðhelgi. Faðir minn var meðstofnandi að WEF og skildi eftir Klaus Schwab með hryllingi snemma á níunda áratugnum.“
„Sem svissneskur ríkisborgari lýsi ég því yfir, að WEF er ekki lengur hæft til að njóta diplómatískrar friðhelgi.“
Handtakið fólkið tafarlaust
Nijadi hvetur svissnesk yfirvöld til að handtaka þá sem bera ábyrgð á því að mælt er með því „að allt mannkyn í heiminum verði sprautað með lífvopni.“ Lífvopnið tengist lyfjarisunum, tæknirisum, Bill Gates og öðrum aðilum. Sjálfur er Nijadi og móðir hans fórnarlömb hinnar miklu áætlunar.
„Ég skora á svissnesk yfirvöld og öryggisgæslu að handtaka þetta fólk tafarlaust. Af hverju? WEF, WHO, GAVI, lyfjarisarnir, tæknirisarnir og Bill Gates mæltu öll fyrir bólusetningu mannkyns á heimsvísu með lífvopni þar sem nanólípíðum var sprautað í 5,7 milljarða manna. Við Svisslendingar hýsum þá. Það er hræðilegt. Við eigum ekki að hýsa neinn þann aðila sem stuðlar að því að sprauta eitri inn í mannkynið. En þið hafið gert það. Ég er fórnarlambið. Ég er að deyja vegna þess og móðir mín líka. Þetta er morð yfirvalda og verður dæmt. Þetta verður leiðrétt í nafni mannkyns.“
Þetta er valdarán
Dr. Astrid Stuckelberger fjallar um heilkenni ekki bara í Genf heldur einnig hjá Sameinuðu þjóðunum. Hún nefnir áþreifanlegan ótta meðal starfsmanna sem leiðir til þöggunar sem hún telur skaða alþjóðlega vitund og gjörðir. Dr. Stuckelberger bendir á þá friðhelgi sem svissnesk stjórnvöld veittu Alþjóða bóluefnasambandið GAVI (Global Alliance for Vaccine Immunization) og hvetur fólk til að slá upp þessum upplýsingum í svissneska gagnagrunninum. Hún lýsir ástandinu sem valdaráni:
„Við erum að reyna að byggja upp alþjóðlega hreyfingu almennings „Við – fólkið“ sem verður allt öðru vísin en skipulagt hefur verið áður. Það sem er að gerast í Genf er hið gagnstæða. Í augnablikinu hefur WHO engan rétt til þess að gefa neinar skipanir, að fyrirskipa öllum heiminum eins og þeir hafa gert. Alþjóða bóluefnasambandið, GAVI fékk fullkomna friðhelgi hjá svissneskum stjórnvöldum.“
„Þetta er valdarán. Augljóslega er þetta alþjóðlegur glæpavettvangur og við komum með brot af sönnunargögnum í auðmýkt til fólks. Vegna þess að innan vísindanna er efinn alltaf til staðar. Það er heilbrigður vafi og ég held að það sé mjög mikilvægt viðhorf.“
Það verður að afhöfða eiturnöðruna
Ákall þeirra til aðgerða er skýrt og ómar gegnum heimildarmyndina: að fólk rísi upp, leiti sannleikans og ögri óbreyttu ástandi undir merkjum til varnar öllu mannkyni gegn núverandi og augljósri hættu sem kemur frá Genf. Þau hvetja til sameiginlegrar vitundarvakningu og hvetja fjöldann til að stöðva óréttlætið sem glóbalistarnir viðhalda. Najadi segir:
„Aldrei aftur. Höfuð eiturnöðrunnar er í Genf. Ég kalla það beina, skýra og núverandi hættu fyrir svissneska landsmenn. En ég get sagt þér, að það er verið að skera höfuðið burt. Ef við erum með spilaborg og hún er spilaborg glæpamanns, þá mun öll spilaborgin hrynja ef eitt spil er tekið burt með dómi. En það gerist ekki með voninni einni saman. Allir verða núna að breyta um afstöðu. Öll þau bólusettu, sprautuðu, vitandi að þau ganga með eitur í sér… Við erum fjöldinn. Við erum milljarðar manna. Við skulum bara standa upp og segja STOPP! Við munum ekki fara eftir því sem þið segið!“
