Tucker Carlson fór á kostum í svörum til blaðamanna eftir hádegisverðafund í vikunni í Ástralíu (skjáskot X).
Hinn heimskunni blaðamaður Tucker Carlson var á hádegisverðarfundi Frelissamtaka í Ástralíu á þriðjudag þar sem hann flutti erindi um ástandið í heiminum. Carlson kom að lausn máls Julian Assange og mun eiga viðtal við hann sem birt verður bráðlega. Á fundinum veittust blaðamenn glóbalista að Carlson sem sýndi frábær andsvör og kvað rök þeirra í kútinn (sjá myndbönd að neðan).
InfoWar segir frá því, að ástralska blaðakonan Kat Wong hafi ranglega ásakað Tucker Carlson fyrir að hafa sagt að „verið væri að skipta út hvítu fólki í Bandaríkjunum fyrir minnihlutahópa.“ „Ég held ekki að ég hafi sagt það“ svaraði Tucker en blaðakonana sagði þá: „Þetta hefur verið sagt í þætti þínum 4.000 sinnum.“
Sameinuðu þjóðirnar birtu stefnu sína um Umskipti með innflytjendum ár 2000
„Í alvöru? Hvenær sagði ég það?“ svaraði Tucker og vísaði ummælunum á bug með áskorun á blaðakonuna að koma með a.m.k eina tilvitnun í slík ummæli sem henni tókst ekki að gera.
Tucker útskýrði, að hann telji að verið sé að skipta öllum innfæddum Bandaríkjamönnum fyrir ólöglega innflytjendur sem flæða yfir Bandaríkin í gegnum opin landamæri landsins. Innflutningurinn fylgir áætlun Sameinuðu þjóðanna samkvæmt riti SÞ frá árinu 2000 undir nafninu Umskipti með innflutningi „Replacement Migration“ sjá pdf að neðan.
Styður byssueign almennings til að verja sig
Blaðakonan reyndi að klína því á Tucker Carlson að hann hvetti til fjöldamorða vegna þess að hans styddi byssueign samlanda sinna. Tucker svaraði:
„Hvernig fá þeir svona heimskt fólk til fjölmiðlanna? Jæja, sjáðu til, fyrirgefðu. Ég hef dvalist of lengi með fólki eins og þér og ég segi ekki að þú sért heimsk. Kannski þykistu bara vera það. Ég er algjörlega á móti ofbeldi. Ég er algjörlega á móti stríðinu í Úkraínu.“
Varðandi byssueign landsmanna sagði Tucker:
„Nei, ég styð ekki að það eigi að afvopna löghlýðna menn svo þeir geti ekki varið sig, þannig að stjórnvöld hafa einokun á ofbeldi. Ég geri það ekki. Í fyrsta lagi þá er það ólöglegt í mínu landi eins og þú veist. Það ætti að vera ólöglegt í hverju landi. Fullvalda einstaklingur á rétt á að verja sig og fjölskyldu sína.“
Pútín hinn ógurlegi
Tucker tætti einnig sundur rök blaðamanns sem spurði um Vladimír Pútín, Rússlandsforseta og krafðist þess að fá að vita, hvort Pútín hefði neytt Tucker Carlson til að taka Covid-sprautuna. Svör Carlsson sem fór á kostum, munu fara til sögunnar sem sígilt dæmi um muninn á alvöru blaðamennsku og sóðablaðamennsku glóbalismans.
