Úkraínudeilan var „gildra“ sem Bandaríkin plötuðu Úkraínu í. Það fullyrðir bandaríski prófessorinn Jeffrey Sachs í nýju viðtali við Bad Faith (sjá að neðan). Hann reyndi að vara þá við, en þeir hlustuðu ekki. Núna er niðurstaðan ljós: eyðilögð Úkraína.
Bandaríski prófessorinn Jeffrey Sachs reyndi að vara Úkraínu við því, að stríðið sem við Rússa væri bandarísk gildra. En þeir hlustuðu ekki. Sachs segir að núna sé Úkraína orðin „Afganistan Evrópu.“
Gildra Bandaríkjanna
Jeffrey Sachs segir:
„Ég sagði það mjög skýrt við fyrrverandi úkraínska vini mína… Ég reyndi að útskýra fyrir þeim, byggt á 40 ára reynslu minni af bandarískri utanríkisstefnu, ég sagði þeim einfaldlega að þeir yrðu Afganistan Evrópu nema að þeir áttuðu sig á þeirri gildru sem Bandaríkin væru að leggja fyrir þá.“
„Við sjáum þetta einmitt núna, að Úkraína er að verða Afganistan í Evrópu. Hvað á ég við með því? Afganistan var í stríði í áratugi. Það var eyðilagt. Borgaraleg menning landsins var eyðilögð. Hagkerfið var eyðilagt. Ríkið var eyðilagt. Innviðirnir eyðilögðust. Þetta er handverk Bandaríkjanna. Við vorum þar allan tímann…. Það er það sem er að gerast í Úkraínu.“
Berjast núna til síðasta Úkraínumannsins
Jeffrey Sachs fullyrðir að fleiri en 1.000 úkraínskir hermenn deyi eða særist alvarlega daglega. Stundum verður talan tvöfalt hærri;
„Það er ólýsanleg eyðilegging á úkraínsku samfélagi í gangi. Þeir eru í raun að berjast til síðasta Úkraínumannsins núna. Það er það sem raunverulega gerist. Þetta er hræðilegt.“
Hér að neðan má sjá bút úr viðtalinu á X og allt viðtalið þar fyrir neðan:
