Elon Musk deilir skoðun sinni, að Úkraínustríðið sé „stríð lyga“, ein allsherjar lygalína. Það kemur fram í færslum á X (sjá að neðan).
Milljarðamæringurinn Elon Musk hélt með bandaríska kaupsýslumanninum David Sacks sem hélt því fram á X-inu að Úkraínustríðið sé stríð lyganna. Sacks skrifar m.a.:
„Stríðið í Úkraínu er byggt á lygum – lygum um hvernig það byrjaði, hvernig það gengur og hvernig það mun enda… Okkur er sagt að Úkraína sé að vinna, þegar Úkraína er í raun að tapa. Okkur er sagt að stríðið geri Nató sterkara, þegar Nató veikist í raun … Okkur er sagt að heimurinn sé með okkur, þegar meirihluti heimsins telur stefnu Bandaríkjanna hámark geðveikinnar. Okkur er sagt að það sé enginn möguleiki á að semja frið, þegar við höfum í raun hafnað nokkrum tækifærum til samninga. Okkur er sagt að ef Úkraína haldi áfram að berjast muni það bæta samningsstöðuna, þegar kjörin verði í raun miklu verri en þau sem voru í boði en var hafnað.“
Lygar Vesturlanda framlengja stríðið
Að sögn Sacks munu „lygarnar“ á Vesturlöndum aðeins framlengja stríðið. Hann fullyrðir að það sem muni raunverulega gerast, sé að Rússland muni taka enn meira landsvæði samtímis sem Úkraína fórni fleiri körlum og konum í „kjötkvörnina.“ Þess vegna mun óánægjan aukast og verða á endanum að „kreppu í Kiev sem mun steypa Zelensky-stjórninni frá völdum.“ Það gæti samt tekið smá tíma, því lygarnar hafa virkað svo vel á Vesturlöndum. Sacks skrifar:
„Þegar stríðið er loksins tapað, þegar allt landið liggur í rjúkandi rústum á heimagerðu útfararbáli, þá munu lygararnir segja „jæja, en við reyndum alla vega.“
„Eftir það munu stríðsmenn á Vesturlöndum kenna öllum öðrum um, klappa sjálfum sér á bakið og halda glaðir áfram í næsta stríð eins og eftir glötuðu stríðin í Afganistan og Írak.“
